"Автотерроризм"га ким айбдор?

Сўнгги пайтларда йўл-транспорт ҳодисаларининг сони кундан-кунга ортиб бораётганини ижтимоий тармоқлар орқали берилаётган хабарлардан билиш мумкин. Содир бўлаётган "авария"лар оқибатида кўплаб одамлар ҳалок бўлиб, айримлари тўшакка михланмоқда. Хўш, бундай нохуш воқеаларнинг кўпайиб бораётганига ким сабабчи? Қандай чора кўрилса, йўл-транспорт ҳодисаларининг юз бериши камаяди? PARADIGMA.UZ мазкур саволлар билан пойтахт аҳолиси ва меҳмонларига микрофон тутди.

Ўзбекистон

14.11.2024, 11:11

Lotinchada

Улашиш:

Жавоблар турлича бўлди, сўровноманинг қайсидир қатнашчиси йўл-локациялар ҳодисаларининг юз беришига одамлар айбдор деса, яна бошқа бир корреспондент машина ҳайдовчилари дея жавоб берди. Бундан ташқари, жавоблар орасида ЙТҲларнинг асосий сабабчиси ҳукумат томонидан чиқарилаётган қарорлар эканлигини айтганлар ҳам бор.

"Юз бераётган йўл-локациялар ҳодисаларига давлат сабабчи чунки йўллар қисқа, пиёдалар ҳаракатланишига йўлаклар йўқ ", дейди ўрта ёшлар чамасидаги эркак.

Шунингдек, сўровноманинг бошқа бир иштирокчиси пойтахт Тошкентда ЙТҲлар кўпаяётганига вилоятдан келган фуқаролар сабабчилигини айтди.

"Шаҳарда кузатилаётган авариялар сони вилоятдан келган одамлар сабабли ортмоқда. Йўлларни кузатсангиз, вилоятликлар минган машиналар сони кўп. Менимча, уларнинг машиналари камроқ ҳаракатланса, ЙТҲлар кузатилмасди", дейди корреспондент.

Бундан ташқари, сўровнома қатнашчилари йўл-локациялар ҳодисаларини олдини олиш учун ўзларининг таклифларини ҳам берди. Уларга кўра, жазо чоралари қатъий белгиланса, юқоридаги дилни хира қиладиган воқеалар кузатилмайди.

"Олий Мажлис қонунчилик палатаси, Олий Мажлис сенати тезкорлик билан қонун ишлаб чиқиши керак. Блогерлар, журналистлар ва бошқа жамоатчилик фаоллари бунга бефарқ қарамаслиги керак. Йўл ҳаракати хавфсизлиги ходимлари бош бўлиб жамоатчилик вакиллари билан рейд ўтказиши лозим", дейди корреспондент.

Шунингдек, яна бир қатнашчи қоидабузарларнинг жарима миқдори оширилса ЙТҲлар камайишини айтди.

"Қонун-қоидаларни кучайтириб, жазоларни муқаррар қилиш керак. Бундан ташқари, одамлар топадиган ойлик миқдоридан келиб чиқиб жарима қўлланмаса, 20 миллион сўм ойлик оладиган фуқаро 300 минг сўм жарима тўласа, бу унинг навбатдаги қоида бузишига тўсиқ бўлолмайди", дейди бошқа бир корреспондент.

Ўзбекистон

14.11.2024, 11:11

Улашиш:

#ЙТҲ #Автотерроризм

мавзуга оид янгиликлар