Эрдўған: “Биз Ғазодаги ваҳшийликларни тўхтатиш учун зарур бўлган барча ишларни амалга оширяпмиз”

Туркия президенти Ражаб Тоййиб Эрдўған дам олиш кунлари Фаластин маъмурияти раҳбари Маҳмуд Аббос билан телефон орқали мулоқот қилганини, унда Исроилнинг Ғазони босиб олиш бўйича янги режалари муҳокама қилинганини билдирди. Эрдўған Туркиянинг бу масаладаги қатъий позициясини Аббосга етказганини айтди.

— Биз Нетаньяҳу ва унинг қотиллар тўдасига ўз сиёсий карьерасини узайтириш мақсадида минтақамизни янада катта фалокатга тортишига йўл қўймаймиз. Ислом ҳамкорлик ташкилоти ташқи ишлар вазирлари кенгашининг фавқулодда йиғилишини чақирдик. Ғазодаги ваҳшийликларни тўхтатиш ва очликдан азият чекаётган биродарларимизга гуманитар ёрдамни узлуксиз етказиш учун зарур бўлган барча чораларни кўряпмиз, — деди у.

Давлат раҳбари Туркиянинг фаластинликларга нисбатан зўравонлик, қироллик, оммавий қотиллик, қийноқ ва тазйиқларга энг қатъий жавоб бераётган давлат эканини таъкидлади.