Конституция куни муносабати билан жазо муддатини ўтаётган 615 нафар маҳкум афв этилди

Фармонга мувофиқ, Конституциянинг 109-моддаси 23-бандига асосан жазо муддатини ўтаётган ҳамда қилмишидан чин кўнгилдан пушаймон бўлиб, тузалиш йўлига ўтган 615 нафар шахс афв этилди.

Афв тартиби ва кўрсаткичлар

— 220 нафар шахс асосий жазодан тўлиқ озод этилди.
— 123 нафар маҳкум жазони ўташдан муддатидан олдин шартли равишда озод қилинди.
— 97 нафар маҳкумнинг озодликдан маҳрум этиш жазоси енгилроқ жазо тури билан алмаштирилди.
— 175 нафар шахсга тайинланган жазо муддатлари қисқартирилди.

Афв этилганлар орасида:
— 9 нафар хориж фуқароси,
— 29 нафар аёл,
— 23 нафар 60 ёшдан ошган эркак,
— 264 нафар ёшлар (шулардан 2 нафари вояга етмаганлар),
— 9 нафар тақиқланган ташкилотлар фаолиятида қатнашган шахслар мавжуд.

Афв этилганларга кўмак чоралари

Фармон ижроси доирасида афв этилганларни оиласи ва яқинлари бағрига қайтариш, уларнинг ижтимоий ҳаётга мослашуви, фойдали меҳнат билан шуғулланиши, соғлом турмуш тарзини йўлга қўйиши ва жамиятда муносиб ўрин топиши учун масъул вазирлик ва идораларга тегишли топшириқлар берилди.