Шота Руставели кўчасининг бир қисми ёпилди. Автобуслар ҳаракати ўзгартирилди

2025 йил 2 августдан Яккасарой туманидаги Шота Руставели кўчасининг Гранд Мир меҳмонхонаси билан кесишмасидан Бобур кўчасигача бўлган қисмида реконструкция ишлари олиб борилиши муносабати билан ушбу оралиқда транспорт ҳаракати 25 августгача чекланди. 

Шу сабабли, автобус йўналишлари ҳаракати қуйидагича вақтинча ўзгартирилади:

18, 38, 58, 67-сонли йўналишлар:

Шаҳрисабз кўчаси → Миробод → Нукус → Бобур → Ш.Руставели кўчалари орқали ҳаракатланади.

57, 81, 98-сонли йўналишлар:

Миробод → Юсуф Хос Ҳожиб → Бобур кўчалари орқали ҳаракатланади.

127-сонли йўналиш:

Нукус → Муқимий кўчалари орқали ҳаракатланади.

Реконструкция ишлари давомида кўчалардаги тирбандлик ортиши эҳтимоли мавжуд. Шунга кўра, йўналишларга қўшимча ўзгартиришлар киритилиши мумкин.

Автобусларнинг ҳаракат вақти ҳамда оралиқ вақти режадагидан узоқроқ бўлиши мумкин.

“Ҳурматли йўловчилар! Илтимос, қатновларингизни олдиндан режалаштиринг ва ноқулайликлар учун олдиндан узр сўраймиз”, дейилади Тошкент шаҳар транспорт ва йўл-транспорт инфратузилмасини ривожлантириш бош бошқармаси хабарида.