Болаларнинг ҳақоратланиши ва ўлдирилишига ким айбдор?

Сўнги вақтларда Ўзбекистонда ҳам бола ҳуқуқларининг бузилишига, баъзи ҳолатларда уларнинг вафот этиш ҳолатлари кузатилмоқда.

Ижтимоий ҳимоя миллий агентлиги бошқарма бошлиғи ўринбосари Лайло Файзимуродова ҳамда адвокат озод Жўрабоев билан мазкур масалаларнинг юзага келиш сабаблари ва бартараф қилиш йўллари ҳақида интервью ташкиллаштирдик.

Лайло Файзимуродовага кўра, охирги вақтлардаги бола ҳуқуқларининг бузилиши бўйича ҳолатлар хусусий мактабгача таълим муассасаларида содир бўлмоқда. Ўзбекистон ҳукумати ҳар 5 йилда халқаро ташкилотларга ҳисобот тақдим этади. Сўнгра ушбу халқаро ташкилотлар яъни UNICEF ва бошқа йодида мамлакатда болалар ҳуқуқларини яхшилаш бўйича тавсиялар беради.

Унинг айтишича, Ўзбекистон ҳозирда мазкур тавсияларнинг барчасини бажариб келмоқда.

Файзимуродованинг фикрича ижтимоий тармоқларда тарқалаётган хабарлар ва видеолавҳалар бу ижобий ҳолат. Яъни бу ерда аҳолининг мазкур ҳолатлардан хабардорлигини оширишга хизмат қилади.

Адвакат Озод Жўрабоевнинг айтишича, Ўзбекистонда болала ҳуқуқларини таъминлаш учун Болалар омбудсманига эътибор берилиши керак. Унинг вазифаси фақат судларда иштирок этиб, тинглаб туриш эмас, болаларни ҳуқуқий ва бошқа томондан ҳимоя қилиш. Аммо бу вазифани ҳозир омбудсман эмас, агентлик бажармоқда. Омбудсман ўз вазифасини бажармаяпти.

Адвокат бунинг учун Болалар Омбудсманига куракли имкониятлар яратиб бериш, унинг фаолиятини кенгайтиришни таклиф қилмоқда.