Шерзодхон Қудратхўжани нацизмда айблаган блогер жаримага тортилди

Маълум бўлишича, у Журналистика ва оммавий коммуникациялар университети ректори Шерзодхон Қудратхўжа ҳақида ёлғон маълумот тарқатганликда ҳамда нацизмда айблаш орқали, ёлғон маълумот тарқатиш ва омма олдида ҳақорат қилиш айбловлари қўйилди.

Маъмурий жавобгарлик тўғрисидаги кодекснинг 202-2-моддаси бўйича унга 50 база ҳисоблаш қийматида жарима тайинланди. 1 августдан олдин База ҳисоблаш қиймати оширилмаганлиги сабабли жарима суммаси 18 миллион 759 минг сўмни ташкил этган.

Шерзодхон Қудратхўжа ишни жиноят иши сифатида қайта кўриб чиқишни талаб қилмоқда.

Университет ректори моддий зарар сифатида 500 миллион сўм, оммавий узр ва у тилга олинган барча видеоларини ўчиришни талаб қилмоқда. Суд ушбу талаблар фуқаролик процессида кўриб чиқилиши кераклигини кўрсатган.

Эслатиб ўтамиз, аввалроқ журналист Анора Содиқовага ижтимоий тармоқларда “Муфасса” тахаллусидаги Тошкент вилояти ҳокимлиги ходими Мирсаид Ҳайдаров ўзининг Facebook саҳифасида ҳақорат қилгани учун Шайхонтоҳур туманлараро суди постларни ҳақорат деб топган, бироқ ҳақорат Содиқовага қаратилмаган деб топган эди. Фуқаролик ишлари бўйича Тошкент шаҳар суди Шайхонтоҳур тумани чиқарган суд қарорини бекор қилган эди. Апелляция суди Содиқовани оқлаб блогер Мирсаид Ҳайдаровга 25 миллион маънавий зарар ҳамда бошқа харажатлар учун яна 5 миллион сўм тўлаш ҳақида қарор чиқарган эди.