“Каркидон” сув омборида 635 миллиард сўмлик туризм мажмуаси қурилмоқда

Бу маскан Фарғона водийсида ёзги дам олиш, экотуризм ва фаол ҳордиқ чиқариш учун энг жозибадор манзиллардан бирига Саид кутилмоқда, дейилган расмий хабарда.

508 гектар майдонни эгаллаган мажмуа агротуризм, экотуризм ва экстремал туризм имкониятларини бирлаштирган.

Бу ерда 45 та шале, 57 та замонавий меҳмон уйи, агротуризм мажмуаси, гуллар боғи, лавандазор, экобозор, сокин ҳудудлар ва ресторанлар ташкил этилган.

Лойиҳа доирасида юздан ортиқ тадбиркорлик субъекти ташкил этилиб, 2 мингга яқин янги иш ўрни яратилади.

Йилига 750 минг нафар сайёҳни қабул қилиш, 3 миллиард сўмлик бюджет тушуми ҳамда 5 миллион долларлик хизматлар экспортини таъминлаш кўзда тутилган. Мажмуа 2027 йилдан тўлиқ қувватда ишга туширилади.

Келгусида бу ерда мотокросс майдонлари, 2 километрли дор йўли, картинг ва гольф майдонлари ташкил этилади.

Ташриф давомида президентга сайёҳлик соҳасида истиқболда амалга ошириладиган лойиҳалар ҳам тақдимот қилинди.

Жумладан:

-       Тахтакўпир туманида Қоратеренг кўли;

-       Хонобод туманида сунъий кўл;

-       Хатирчи туманида “Кўксарой” сув омбори;

-       Поп туманида Арашан кўли;

-       Нуробод туманида “Собирсой”;

-       Каттақўрғон туманидаги “Каттақўрғон” сув омборлари атрофида ҳам йирик туризм мажмуаларини барпо этиш режалаштирилган.