Fargʻonada mast haydovchi 6 kishini urib yubordi

Ushbu YTH joriy yilning 20 fevral kuni soat 23:30 larda sodir boʻlgan. Haydovchi ukasiga tegishli boʻlgan "Cobalt" mashinasini mast holatda boshqarib chiqqan. U mashinani “Qoʻqon-Mulkobod-Gulbogʻ-Pungan” avtomobil yoʻlining Dangʻara tumanidan oʻtgan qismida boshqarib ketayotib, boshqaruvni yoʻqotgan hamda yoʻlning oʻng chetida harakatlanib kelayotgan 6 nafar piyodani urib yuborgan. Soʻngra voqea joyidan qochib ketgan.

"Hozirda haydovchi Sh.V.ga nisbatan Jinoyat kodeksining 117-moddasi 3-qismi “a” bandi (xavf ostida qoldirish odamlar oʻlimiga sabab boʻlishi) va 266-moddasi 3-qismi “a” bandida (transport vositalari harakati yoki ulardan foydalanish xavfsizligi qoidalarini buzish odamlar oʻlimiga sabab boʻlishi) nazarda tutilgan jinoyatlarni sodir etganlikda aybli deb topilgan",  

deyiladi xabarda.

Unga 3 yil barcha turdagi transport vositalarini boshqarish huquqidan mahrum qilgan holda 9 yil muddatga ozodlikdan mahrum qilish jazosi tayinlangan. Jazo manzil-koloniyalarda oʻtash belgilangan.

Eslatib oʻtamiz, avvalroq Samarqandda "Cobalt" va "Damas" avtomobillarining toʻqnashishi oqibatida 3 kishi vafot etgani haqida xabar bergan edik.