Alişer Usmonov sanksiyalar röyxatidan çiqarildi

Qaror qanday qabul qilindi

YeI elçilari kelişuvga 22-sentyabr kuni erişdi, qaror şu kuni yozma tartibda rasman tasdiqlandi. Sanksiyalarni uzaytiriş muddati dastlab 15-sentyabrda tugaşi kerak edi, keyin 22-sentyabr yarim tunigaça çözilgan.

Sanksiyalarni uzaytiriş uçun barça davlatlarning roziligi talab qilinadi. Latviya jarayonda oxirgi qarşilik qilgan davlat böldi, lekin yakunda ovoz berişdan betaraf qoldi va bu kelişuv ötişiga yöl oçdi. Latviya boş vaziri Andris Kulbergs Riga öz sanksiyalarini kiritişga harakat qilişini ma'lum qildi. Uning aytişiça, Fransiya Latviya bilan fransuz yadro vositasida tiyib turiş taşabbusiga qöşiliş böyiça muzokara boşlaşga rozi bölgan.

Fransiya va Lyuksemburg talabi

Usmonovni röyxatdan çiqariş talabi bilan şu oyning boşida Fransiya çiqib, boşqa YeI davlatlarini hayratga soldi. Parij buni «milliy xavfsizlik» bilan izohladi. Rossiyalik milliarderga qöyilgan çeklovlar fonida Fransiya va Ozarbayjon örtasida kelişmovçiliklar yuzaga kelgan edi.

Şundan söng Lyuksemburg Fridman uçun ham xuddi şunday yondaşuvni talab qildi. Fridman aktivlari muzlatilgani sababli mamlakat hukumatiga qarşi 16 milliard dollarlik da'vo qözğatgan. Ikki biznesmen röyxatdan çiqarilişi evaziga blok qolgan şaxslarga nisbatan sanksiyalarni bir yöla uç yilga uzaytirişga rozi böldi.

Ozarbayjon omili

Reuters suhbatlaşgan uç yevropalik diplomatning aytişiça, Ozarbayjonda kamida ikki fransuz fuqarosi hibsda saqlanmoqda. Parij xususiy suhbatlarda Boku Usmonov orqali unga «şantaj» qilayotganini bildirgan. Boku bu da'voni rad etgan.

Courthouse News xabariga köra, keyingi kuni Ozarbayjon prezidenti Ilhom Aliyev josuslik uçun 10 yil qamoq jazosiga hukm qilingan fransuz fuqarosi Martin Rayanni afv etdi. Meduza esa qaror sud emas, siyosiy tarzda qabul qilinganini ta'kidlaydi: Lyuksemburg Fridman manfaatini, Fransiya Usmonov manfaatini himoya qilgan.

Kiyev va Yevropadagi e'tirozlar

Ukraina taşqi işlar vaziri Andrey Sibiga X tarmoğidagi postida qarorni uyatli va asossiz deb baholadi, Moskva buni bayram qilayotganini aytdi. U YeI davlatlarini ikki biznesmenga nisbatan milliy çeklovlar kiritişga çaqirdi. Ukraina prezidenti Vladimir Zelenskiy esa qarorni «suitsidal» deb atadi.

Mojaro Vengriyada hukumat almaşganidan söng Rossiyaga nisbatan yagona pozitsiyani namoyiş etişni istagan Yevropa rahbarlarini taşvişga soldi. Sanksiyalar va Ukrainaga qöllab-quvvatlaş masalasida sobiq Vengriya rahbari Viktor Orban tez-tez tösiq bölib kelgan. Kelişuvga erişiş uçun Yevropadagi va BMT Boş Assambleyasi yonidagi yuqori darajadagi uçraşuvlar talab qilingan.

Sanksiyalar nimani nazarda tutgan

YeI ikki biznesmenga nisbatan sanksiyalarni 2022-yilda, Rossiyaning Ukrainaga bostirib kirişidan söng kiritgan. Ular blok hududida operatsiyalar va safarlarga taqiqni hamda YeIdagi aktivlarni muzlatişni nazarda tutgan.

Usmonov Rossiya va Özbekiston fuqaroligiga ega. U USM Holdings investitsiya guruhiga va «Megafon» aloqa kompaniyasiga asos solgan. Fridman esa Alfa Group investitsiya konglomeratining asosçisi. YeI ikkala biznesmenni ham Putinga yaqin deb ta'riflagan edi.