Qashqadaryoda enaganing eri bir yoshli qizaloqni urib o'ldirdi

Unga koʻra, joriy yilning 21 iyul kuni soat 12:00 larda fuqarolar T.A. hamda N.S.lar tomonidan bir yoshli qizaloq oʻlik holatda shifoxonaga olib kelingan. Ular tomonidan tibbiy koʻrik vaqtida shifokorga qizaloq kolyaskadan yiqilib tushgani, oqibatda tan jarohati olgani bayon qilingan. 

Maʼlum boʻlishicha, I.N. isimli qizaloq bundan oldim 20 iyul kuni tushlik vaqtida kiyimiga hojatini chiqargani sababli N.S. tomonidan kaltaklangan. U mushti bilan qizning koʻkrak qafasi va qorin sohasiga bir necha marotaba urgan. Shundan keyin qizaloqni qasddan oʻldirib, oʻzining jinoiy qilmishini yashirish maqsadida goʻyoki kolyaskadan yiqilib tushgani haqidagi vaj bilan shifoxonaga olib borgan. 

Holat yuzasidan Qarshi shahar prokuraturasi tomonidan N.S.ga nisbatan Oʻzbekiston Respublikasi Jinoyat kodeksining 97-moddasi 2-qismi “v” bandi bilan jinoyat ishi qoʻzgʻatilgan. U Jinoyat protsessual kodeksining 221-moddasi tartibida ushlangan.