Surxondaryoda 18 yoshli qiz ukasi tomonidan oʻldirildi

Unga koʻra, mazkur voqea joriy yilning 11 avgust kuni soat 01:30 larda sodir boʻlgan. Muzrabot tumanining "Fidokor" mahallasida yashovchi, 2006 yilda tugʻilgan F.J. isimli qiz yigitlar bilan munosabatga kirishib yurganligi sababli oʻzidan ikki yosh kichik ukasi A.J. tomonidan urib oʻldirilgan. 

A.J. opasining bosh qismi hamda tanasining turli joylariga tayoq va metall jism bilan tan jarohati yetkazgan. Oqibatda 18 yoshli qiz hodisa sodir boʻlgan joyda vafot etgan.

"Joriy yilning 11 avgust kuni mazkur holat yuzasidan tuman prokuraturasi tomonidan Oʻzbekiston Respublikasi Jinoyat kodeksining 97-moddasi 1-qismi bilan jinoyat ishi qoʻzgʻatilib, gumonlanuvchi Jinoyat-protsessual kodeksining 221-moddasi asosida tartibida ushlangan", 

deydi Hayot Shamsutdinov. 

Jinoyat kodeksining 97-moddasiga koʻra, qasddan odam oʻldirishda ayblangan shaxslar oʻn yildan 15 yilgacha ozodlikdan mahrum qilinishi mumkin. 

Eslatib oʻtamiz, bundan oldin Namangan viloyatida bir oilaning uch nafar aʼzosi — ona va uning ikki nafar farzandi qarindoshi tomonidan pichoqlab, oʻldirilgani haqida xabar berilgan edi. Mazkur holat yuzasidan tergov harakatlari olib borilmoqda.