Xorazmda oʻqituvchini doʻpposlagan ayolga jinoyat ishi ochildi

Unga koʻra, ushbu holat yuzasidan ichki ishlar organi tomonidan surishtiruv harakatlari olib borilib, fuqaro S.R.ga Maʼmuriy javobgarlik toʻgʻrisidagi kodeksining 41- (Tuhmat) va 52- (Yengil tan jarohati yetkazish) moddalari 2-qismi bilan ish ochilgan. 

Oʻqituvchi G.R.ga nisbatan Maʼmuriy javobgarlik toʻgʻrisidagi kodeksining 52-moddasi 1-qismi bilan huquqbuzarlikka oid ish qoʻzgʻatilib, toʻplangan hujjatlar koʻrib chiqish uchun sudga yuborilgan. 

"Mazkur qaror prokuratura tomonidan nazorat tartibida oʻrganilib, asossiz boʻlganligi sababli bekor qilingan va 18 noyabr kuni fuqaro S.R.ga nisbatan Jinoyat kodeksining 277-moddasi 2-qismi "a" bandi bilan jinoyat ishi qoʻzgʻatilgan", deyiladi xabarda.

Hozirda jinoyat ishi tergov harakatlarini oʻtkazish uchun Ichki ishlar organiga yuborilgan. Jinoyat ishi tergovi Xorazm viloyati prokuraturasi tomonidan nazoratga olingan.