Автомобиллар учун тоқ ва жуфт саналарда ҳаракатланишни чеклаш амалиёти жорий этилади

Президент Шавкат Мирзиёев 25 ноябрь куни «Тошкент шаҳрида экологик вазиятни яхшилаш бўйича кечиктириб бўлмайдиган чора-тадбирлар тўғрисида»ги фармонни имзолади. Фармонга мувофиқ, пойтахтда экологик ҳолатни яхшилашга қаратилган шошилинч чора-тадбирларни амалга ошириш бўйича махсус комиссия тузилди.

Россия Давлат думаси хорижлик ишчилар учун мажбурий тиббий суғурта (МТС) полисини расмийлаштириш талабларини қатъийлаштирувчи қонун лойиҳасини маъқуллади. Янги тартибга мувофиқ, мигрантлар МТС полисини олиш учун Россия ҳудудида камида 5 йиллик меҳнат стажига эга бўлиши шарт бўлади.

Тошкентда жорий этилган пулли парковка тизими атрофида мунозаралар давом этар экан, Ўзбекистон Халқ демократик партияси аҳоли манфаатларини инобатга олган ҳолда бир қатор таклифларни илгари сурди. Яъни, тарифларни белгилашда аҳолининг реал даромадлари ва ижтимоий эҳтиёжлари ҳисобга олиниши, йиғилаётган маблағлар қаерга сарфланиши ҳақида тўлиқ очиқ маълумот тақдим этилиши шарт.

Тошкент шаҳрида юқори даражадаги чангланиш шароитида ҳаво сифатини яхшилаш мақсадида йўл қопламаларига сув сепиш ва яшил ҳудудларни қўшимча суғориш ишлари амалга оширилмоқда.

18 ноябр — Ўзбекистон Давлат байроғи қабул қилинган сана муносабати билан пойтахтда кенг кўламли байрам тадбирлари ташкил этилади. Шу муносабат билан 18 ноябр куни 15:00–17:00 орасида пойтахтнинг марказий кўчаларида автотранспорт ҳаракати вақтинчалик чекланади.

Тошкентда бўлажак келиннинг 240 минг долларлик уйи алдаш йўли билан сотилгани билан боғлиқ жиноят иши юзасидан суд жараёнлари давом этмоқда. Мазкур можарода блогер Санжар Каримов (Real Sanjik)нинг номи ҳам тилга олинган. Жабрланувчининг сўзларига кўра, тўйга бир ой қолганда бўлажак куёв Шаҳзод Рисматов тушкун кайфиятда кўриниб, муаммоларини айта бошлаган.

Куз фасли деярли ёмғирсиз ўтаётгани ва яқин кунларда ҳам ёғингарчилик кутилмаётгани сабабли, Ўзбекистондаги барча масжидларда 28 ноябрь куни жума намозидан сўнг истисқо намози ўқилади. Умра зиёратида бўлиб турган элликбошиларга ўз жамоалари билан истисқо намозини ўқиш тавсия этилди.

“Миллий тикланиш” демократик партияси раиси Алишер Қодиров бу борадаги муҳокамаларга муносабат билдириб, айрим «эксперт»лар танқидини асоссиз деб атади. У табиат жараёнларини ҳеч бир давлат тўлиқ назорат қила олмайди, деган фикр билдирган ва ҳаво ифлосланиши муаммоларини соф табиий жараён сифатида кўрсатишга уринган. Бироқ халқаро ҳуқуқ нуқтаи назаридан фуқароларнинг соғлом ва хавфсиз атроф-муҳитда яшаши давлат зиммасидаги аниқ ва ҳуқуқий жиҳатдан белгиланган мажбуриятдир. Табиий жараёнларни баҳона қилиш давлатни масъулиятдан халос этмайди.

Ўзбекистон Республикаси Президенти администрацияси раҳбарининг фармойишига мувофиқ, Комил Исмоилович Алламжонов маслаҳатчи-вакил — Президент администрациясининг АҚШдаги вакили лавозимига тайинланди.

Президент Шавкат Мирзиёев 25 ноябрь куни «Тошкент шаҳрида экологик вазиятни яхшилаш бўйича кечиктириб бўлмайдиган чора-тадбирлар тўғрисида»ги фармонни имзолади. Фармонга мувофиқ, пойтахтда экологик ҳолатни яхшилашга қаратилган шошилинч чора-тадбирларни амалга ошириш бўйича махсус комиссия тузилди.

Қирғизистонда бир гуруҳ сиёсий арбоблар, жумладан собиқ президент Алмазбек Атамбаевнинг ўғли Қодирбек Атамбаев қўлга олинди. Ички ишлар вазирлиги маълумотига кўра, жами 10 нафар шахс «парламент сайловлари якунлари фондида оммавий норозилик кайфияти мавжуд» деган тасаввур яратиш мақсадида митинглар уюштиришни режалаштирган.

Маълумотларга кўра, 60 га яқин ходим ҳуқуқбузарликлари учун қўлга олинган ва жазоланган. Шунингдек, ноўрин ҳаракатлари учун 557 нафар раҳбар ва ходимга интизомий жазо қўлланилган. Тизимдаги турли қоидбузарликлар туфайли 479 нафар ходим ички ишлар органларидан бўшатилган. 

Пекин 2013–2020 йилларда дунёда ҳавоси энг ифлос шаҳарлардан бири эди. Бироқ 7–8 йил ичида ҳаво сифати сезиларли даражада яхшиланди. Бу – жуда катта, режали ва қаттиқ давлат сиёсати натижаси. 

Ҳужжатга кўра, майдони 500 квадрат метрдан ошиб кетадиган қурилиш майдонларидан махсус автотранспорт воситаларини ювмасдан йўлларга чиқариш тақиқланади. Шунингдек, чанг ҳосил бўлиши ва тарқалишини олдини олиш учун  автотранспорт воситалари ғилдиракларини ювиш учун махсус ювиш шохобчаларини ташкил этиш ва шу каби бир қатор тадбирлар мажбурий ҳисобланади.

Яна бир савол: ташкилот номи ҳар ўзгариши солиқ тўловчилар гарданига қанча юк бўлиб тушяпти? Пешлавҳа, ёзув табличкалари, логотип, муҳр ва штамплардан тортиб, меҳнат ва бошқа шартномаларгача – булар қанча туради ва кимнинг ҳисобидан янгиланади? Яна ҳар икки-уч йилда бир ном янгиланиши — бу ёғи энди жуда ошиб кетмадими? Шунча харажат ва ҳаракатга яраша нимадир ўзгарса ҳам майли эди!

«Толибон» ҳаракати Молия вазирлиги 22 ноябр куни Афғонистонда Жаҳон банки қайта очилгани ва унинг фаолияти тикланганини маълум қилди. Афғонистон Ислом Республикаси қулаганидан ва ҳукумат «Толибон» қўлига ўтганидан кейин Жаҳон банки мамлакатдаги фаолият шаклини ўзгартирган. Шу вақтдан бери у «Толибон» назоратидаги давлат идоралари билан тўғридан-тўғри ҳамкорлик қилмаётган эди.

Президент қарорига мувофиқ 2025 йил 1 декабридан бошлаб Ai-80 бензини сотуви бутун республика бўйлаб тўхтатилади. Шунингдек, ҳужжатда аҳолига сифатли ва экологик тоза ёнилғи етказиб беришни таъминлаш мақсадида Ai-80 бензининг АЁҚШларда сотилишига қатъий назорат ўрнатилиши белгилаб қўйилган.