Испания прокуратураси Global Sumud флотилиясига ҳужум бўйича тергов ўтказади

Прокуратура баёнотида қайд этилишича, терговнинг асосий мақсади — воқеалар кўламини, улар содир бўлган шароитни аниқлаш ҳамда халқаро судлар учун далилларни сақлаб қолишдан иборат.

Бу доирада Испания прокуратураси қуйидаги маълумотларни сўраган:

кемалар қайси байроқ остида ҳаракатлангани; 

ҳужум содир этилган денгиз координаталари; 

бортдаги шахсларнинг фуқаролиги; 

юклар таркиби; 

испаниялик фуқароларга кўрсатилган консуллик ёрдами.

Маълумот ўрнида, Испания прокуратураси Исроил армиясининг Ғазодаги ҳаракатларини инсон ҳуқуқлари ва халқаро гуманитар ҳуқуқнинг қўпол бузилиши сифатида баҳолаши мумкинлигини текшириш учун 18 сентябрда иш қўзғатган эди.

Испания ташқи ишлар вазири Хосе Мануэль Альбарес ва мудофаа вазири Маргарита Роблес эса Исроил томонидан ҳибсга олинган Global Sumud флотилияси аъзоларини дарҳол озод қилишга чақирди.