Қирғизистонда болалар савдоси: қозоғистонлик аёлга 12 йил қамоқ жазаси тайинланди

Қирғизистон суди болалар савдосида айбдор топилган қозоғистонлик аёлга 12 йил қамоқ жазасини тайинлади.

Қирғизистон Давлат миллий хавфсизлик қўмитаси 2024 йилнинг сентябрь ойида вояга етмаганларни мамлакатдан ноқонуний олиб чиқиш режасини йўлга қўйган жиноий гуруҳни фош этди. Тергов давомида Қозоғистон фуқароси А.А. Исроил фуқароси А.Б. билан битимга кириб, Қирғизистон фуқароси С.С.дан пул ва мол-мулк эвазига уч нафар вояга етмаган болани сотиб олгани аниқланди.

Улар болалар устида ахлоқсиз ва маросим баҳонасидаги уятсиз ҳаракатларни содир этиб, суратга олинган материалларни ижтимоий мессенджерлар орқали Қирғизистон чегарасидан ташқарида яшовчи номаълум шахсларга юборган. Бундан ташқари, жиноий гуруҳ Қирғизистон фуқароси Д.К.нинг икки вояга етмаган фарзанди устидан расмий васийлик ҳуқуқини олиб, уларга нисбатан ҳам худди шундай ҳаракатларни содир этган.

Иш материаллари Бишкек шаҳрининг Биринчимай туман судига юборилди. 2026 йилнинг 12 мартида суд айбдорларни тўлиқ айбли деб топиб, А.А.га 12 йил, ва унинг шериги С.С.га эса мол-мулкини мусодара қилиш билан бирга 11 йил озодликдан маҳрум этиш жазосини тайинлади. ДМХҚ болаларнинг конституциявий ҳуқуқларини поймол қилиш жиноий жавобгарликка тортилишини таъкидлаб, жамоатчиликни болалар ҳуқуқларини ҳимоя қилувчи қонун нормаларига қатъий риоя этишга чақирди.