Тарихчилар АҚШ ташқи сиёсатидаги энг тўғри ва энг хато қарорларни танлади

Таҳлил натижаларига кўра, тарихчилар энг муваффақиятли қарорлар сифатида халқаро ҳамкорликни мустаҳкамлаган ташаббусларни қайд этган.

Рейтингнинг юқори поғоналаридан қуйидаги қарорлар ўрин олган:

• Маршалл режасининг амалга оширилиши;
• Бирлашган Миллатлар Ташкилотининг (БМТ) тузилиши;
• Франция билан иттифоқнинг шакллантирилиши;
• НАТОнинг ташкил этилиши;
• Бреттон-Вудс халқаро молиявий тизимининг яратилиши.

Тарихчилар фикрича, мазкур қарорлар АҚШ миллий манфаатларини ҳимоя қилиш билан бирга халқаро барқарорлик ва жаҳон иқтисодиёти ривожига ҳам ҳисса қўшган.

Шу билан бирга, рейтингда АҚШ ташқи сиёсатининг энг катта хатолари ҳам қайд этилган. Улар қаторига:

• 2003 йилда Ироққа бостириб кириш;
• Вьетнам урушига кенг кўламли ҳарбий аралашув;
• маҳаллий ҳиндуларни мажбурий кўчириш сиёсати;
• халқаро ҳамкорликдан воз кечилган айрим қарорлар киритилган.

Таҳлил муаллифлари таъкидлашича, мазкур қарорлар АҚШнинг халқаро нуфузига салбий таъсир кўрсатиб, катта иқтисодий ва инсоний йўқотишларга сабаб бўлган.

CFR хулосасига кўра, АҚШ халқаро институтлар ва иттифоқчилар билан ҳамкорлик қилган даврларда кўпроқ муваффақият қозонган. Аксинча, бир томонлама ва ҳарбий кучга таянган ташқи сиёсат эса кўп ҳолларда салбий оқибатларга олиб келган.

Мафтуна Бахтиёрова тайёрлади