Ўзбек жамоатчилиги яна ютқазди. Чорвоқдадаги курорт лойиҳаси экспертизадан ўтдими?

Ўзбек жамоатчилиги ва экологлари қарши чиққан Чорвоқдаги Эминг Агаларовнинг See Breeze курорт лойиҳаси қуриладиган бўлди. Ҳукумат Чорвоқдаги 577 гектар ер майдонини 5 млрд АҚШ доллар эвазига ушбу курорт мажмуасини барпо қилиш шарти билан “See Breeze Uzbekistan” МЧЖ га 25 йилга тўғридан-тўғри ижарага бериш шарти билан Вазирлар Маҳкамаси 490-сонли қарорини эълон қилди.

Улашиш:

Oʻzbek jamoatchiligi yana yutqazdi. Chorvoqda kurort loyihasi ekspertizadan oʻtdimi?

Ушбу қарорга Бош вазир Абдулла Арипов қўл қўйган ва қарор 2 августдан кучга кирган.

 

Унга кўра, ушбу лойиҳани амалга ошишини таъминлаш ишчи гуруҳга 6 та вазирлик ва бошқа ташкилотлар қўшилган.

 

Лойиҳанинг бош режасини тезкор ва сифатли ишлаб чиқиш учун Британиянинг “Scоtt Brownrigg” компанияси жалб этилган. Бу компания Агарларовлар учун бегона эмаслиги унинг ижтимоий тармоқлардаги саҳифаларидан маълум. Чунки See Бреэзенинг кўплаб лойиҳалари ва Эмин Агаларовнинг ўзига ушбу компания номидан обуна бўлинган. Яъни ижтимоий тармоқлар Британиядаги ушбу корхона бу оилага бегона эмаслигини кўрсатмоқда.

 

Тошкент вилояти ҳокимлиги Қишлоқ хўжалиги вазирлиги билан биргаликда қарорнинг иловасида кўрсатилган ер участкаларига бўлган мулк ҳуқуқи, ижара ва фойдаланиш ҳуқуқини босқичма-босқич бекор қилишни, кейинчалик мазкур ҳудудларни бўш ерлар сифатида ҳисобга олишни таъминлаш топширилди.

 

Ер тоифаси ўзгартирилиб, ҳокимлик ҳисобига ўтказилади. Кейинчалик ерлар бўш турган ерлар ҳисобига олинган қисмлар “See Breeze Uzbkistan” МЧЖга ижара муддатини узайтириш бўйича устувор ҳуқуқи билан 25 йилга тўғридан-тўғри ижарага берилади.

 

Сўнгра, ижарага олиш ҳуқуқини баҳоловчи ташкилот томонидан аниқланган бозор қиймати – 1,7 трлн сўмга, 0,01 камайтирувчи коэффсент қўлланган ҳолда якуний 17 млрд сўм маблағдаги миқдорни 5 йил ичида бўлиб тўлаш мажбуриятини олади.

 

Қарорда эса, бу нархни қайси ташкилот чиқаргани ҳақида бирорта сўз йўқ. Яъни ташкилот номи очиқланмаган.

 

Шунингдек, қарорга кўра, Инвестиция ва саноат вазирлиги, Тошкент вилояти ҳокимлиги ҳамда “Чорвоқ” туристик-рекратсион зонаси дирекцияси асосида икки кун ичида инвестиция битими имзоланиши керак.

 

Қарорда айтилишича, экологик талабларга қатъий риоя этиш, жумладан, Чорвоқ сув омбори ва Чирчиқ дарёсига чиқинди ва оқова сувлар ташланишига йўл қўймаслик, шунингдек, оқова сувларни Чирчиқ шаҳри оқова сувларни тозалаш иншоотларига йўналтиришни назарда тутади. Ушбу шартларнинг бузилиши лойиҳани тўхтатиш ва ер ижарасини бекор қилиш учун асос бўлади.

 

Лойиҳа доирасида эса, инвесторга яъни Эмин Агаларовга қуйидаги ҳуқуқлар берилади:

  •   тармоқ режалари ва манзилли дастурларни ишлаб чиқиш;
  •   истисно тариқасида, лойиҳани амалга ошириш доирасида 2029 йил 31 декабрга қадар қурилиш-монтаж ишларини лойиҳа-смета ҳужжатларини ишлаб чиқиш билан бир вақтда амалга ошириш;
  •     ҳудудий режалаштириш ва қурилиш лойиҳаларига қўйиладиган талабларни мустақил равишда белгилаши ва тасдиқлаш;
  •     коммунал бошқариш, инвестиция фаолияти, маркетинг, баҳолаш, геология-қидирув, топографик суратга олиш, бино ва иншоотларнинг техник ҳолатини текшириш хизматларини кўрсатиш;
  •    Вазирлар Маҳкамаси билан келишилган ҳолда курорт ҳудудидаги коммунал хизматлар тарифларини белгилаш;
  •    курортни қуриш жараёнида инвесторларга шартнома асосида хизмат кўрсатиш, санитария-гигиена, муҳандислик-коммуникация хизматлари кўрсатиш, шунингдек, уларни транспорт инфратузилмаси ва ёрдамчи иншоотлар билан таъминлаш;
  •   ер участкаларини бош режа асосида ва ҳар бир лот бўйича ҳуқуқ ва мажбуриятларни Ер кодекси талаблари доирасида нотариал тасдиқланган ҳолда ўтказиш (қўшимча ижарага бериш).

Sea Breeze Uzbekistan, шунингдек:

  •  етакчи лойиҳа ташкилотлари билан биргаликда халқаро тажриба ва экологик талаблардан келиб чиққан ҳолда бош режа ва бошқа ҳужжатларни ишлаб чиқади;
  • инвесторларни саралаш ва улар билан музокаралар олиб бориш, шартномалар тузиш ҳамда инвестиция ва ижтимоий мажбуриятларнинг бажарилишини назорат қилади;
  •  курорт ҳудудида лойиҳа-қидирув, қурилиш-монтаж ишларини олиб боришда индивидуал техник шартларга риоя қилиш тўғрисида шартномалар тузади ва уларнинг бажарилишини назорат қилади;
  • замонавий турар-жой мажмуалари қурилишига катта тажрибага эга маҳаллий ва хорижий компанияларни жалб этади, уларга замонавий усуллар, энергия тежамкор технологиялар ва қурилиш материалларини қўллаш бўйича мажбурий кўрсатмалар беради;

    Ўзбекистонда ва хорижда кенг кўламли реклама кампаниясини ташкил этади;

  • муҳандислик ва транспорт тармоқларини ривожлантириш учун инфратузилма тўловларини тўлайди.

 

Тошкент вилояти ҳокимлиги эса, See Breeze Uzbekistan компанияси билан биргаликда белгиланган ер участкаларига нисбатан ерга бўлган ҳуқуқларини бекор қилиш ҳамда бўш ерлар сифатида ҳокимлик балансига ўтказиши ва кейинроқ ушбу компанияга ижарага бериш учун тайёрлаш керак.

 

Бунда ер эгалари (яъни ҳокимлик), ердан фойдаланувчилар ва ер ижарачиларига етказилган зарар Тошкент вилояти маҳаллий бюджетига “See Breeze Uzbekistan” МЧЖ томонидан ажратиладиган 5 млн АҚШ доллар қонунда тақиқланмаган бошқа маблағлар ҳисобидан қопланади.

 

Қонунга кўра, барча ижарачилар ёки ёрдамчи ижарачилар қурилиш ҳажмига мутаносиб равишда қурилаётган майдоннинг ҳар квадрат метри учун 50 доллар миқдорида инфратузилма тўловини тўлашлари шарт.

 

Маблағлар “Чорвоқ” туристик-рекреацион зонаси дирекциясининг шахсий ғазна ҳисобварағига объектлар ишга туширилгунга қадар ўтказиб борилади.

 

Мазкур долларлар эвазига дирекция беш йил давомида қишлоқ хўжалиги ва ўрмон хўжалиги ишлаб чиқариши нобудгарчиликларининг ўрнини қоплаши керак.

Шунингдек, Тоғли ва олис ҳудудларда туристик инфратузилмани ривожлантириш жамғармаси маблағлари ижтимоий соҳа объектларини, коммунал тармоқларни, йўлларни лойиҳалаш ва қуриш, суғориш ва малакали мутахассисларни жалб қилиш учун ишлатилиши мумкин (бош режада кўрсатилган ерости автотураргоҳлар, техник бинолар ва давлат ижтимоий объектлари бундан мустасно).

 

Икки ҳафта ичида Sea Breeze Uzbekistan “Чорвоқ” туристик-рекреацион зонаси иштирокчиси сифатида расмий мақомини олиши кутилмоқда (уларга эркин иқтисодий зоналар иштирокчиси сифатида имтиёз ва преференциялар тақдим этилган).

Лойиҳа ҳудудида жойлашган ҳамда жисмоний ва юридик шахсларга тегишли бўлган кўчмас мулк объектлари (қишлоқ ва ўрмон хўжалиги ҳудудлари бундан мустасно) Sea Breeze Uzbekistan компанияси томонидан уларнинг эгалари билан келишилган ҳолда сотиб олинади.

Қўшимча инвесторларни жалб қилишга ҳам рухсат берилади.

 

Экология вазирлигига Бош прокуратура билан биргаликда қуйидагилар ҳам топширилди:

  •       Чорвоқ сув омбори ва унинг муҳофаза зонаси сувларига маиший, ишлаб чиқариш чиқиндилари ва оқова сувлар оқизилишининг олдини олиш устидан доимий ва комплекс назоратни таъминлаш;
  •      атроф-муҳит ифлосланишининг олдини олиш, санитария ва экологик меъёрларга риоя қилиш ва соғлом экологик муҳитни сақлаш бўйича “қатъий чоралар” кўриш;
  •     барча биноларни, шу жумладан, янгиларини хатловдан ўтказиш, экологик меъёрларни бузган объектларни бартараф этиш ва айбдор шахсларга нисбатан қонуний чоралар кўриш.

 

Экология вазирлиги ва Sea Breeze Uzbekistan бир ой муддатда лойиҳа ҳудудидаги дарахтларни хатловдан ўтказиши, сўнг уларни қимматбаҳо, кам қимматли ва нобуд бўлган тоифаларга ажратиши керак.

 

Экология ва атроф-муҳитни муҳофаза қилиш ва иқлим ўзгариши вазири Азиз Абдуҳакимов See Brezze Uzbekistan лойиҳаси ҳали вазирликка тақдим этилмагани агар тақдим этила барча экологик ҳолатлар аниқланиши ҳамда мазкур лойиҳа жамоатчилик муҳокамасига қўйилишини айтган эди.

 

Кўриб турганимиздек, лойиҳа жамоатчилик муҳокамасига қўйилмади ёки жамоатчилик фикри инобатга олинмади.

 

Кеча, 3 август куни Экология вазирлиги See Brezze Uzbekistan лойиҳаси бўйича баёнот билан чиқди.

Баёнотга кўра, вазирлик ўз ваколатлари доирасида лойиҳанинг атроф-муҳитни муҳофаза қилиш соҳасидаги қонунчилик нормаларига риоя этилиши, экологик шартларга амал қилиниши, атмосферанинг ифлосланиши, табиий ресурслардан самарасиз фойдаланиш, фуқаролар ҳаёти ва саломатлигига таҳдид солиши мумкин бўлган омилларни аниқлаш бўйича доимий назоратни амалга оширади.

 

Эслатиб ўтамиз, аввалроқPARADIGMA.UZ'нинг “Мулк ва мерос” подкастида Чорвоқдаги курорт лойиҳа ва унинг хавфлари ҳақида профессор Зарифбой Ибодуллаев билан суҳбатлашган эдик. 

сўнгги янгиликлар

Иситиш мавсумида табиий газ истеъмоли бўйича баъзавий меъёр 5 баробарга оширилади

Президент қарорига мувофиқ, 2025/2026 йилги куз-қиш мавсумида табиий газ истеъмоли учун “базавий меъёр” сезиларли даражада оширилади. Ноябрь - февраль ойларида ҳар бир ой учун 500 куб метргача, март - октябрда эса ҳар ой учун 100 куб метргача “базавий меъёр” белгиланди.

Ўзбекистон

30.10.2025, 17:05

Ўзбекистонда озиқ-овқат нархлари инфляциядан тезроқ ўсмоқда

Марказий банк раиси Тимур Эшметовнинг таъкидлашича, мамлакатда ижтимоий аҳамиятга эга маҳсулотлар нархи умумий инфляция суръатидан анча юқори ўсмоқда. Охирги бир йилда гўшт 23,2%, картошка 18,5%, бензин эса 11,8% га қимматлаган.

Ўзбекистон

30.10.2025, 15:36

Ангренда қайнонаси ва эрини ўлдирган аёл 12 йилга қамалди

Ангрен шаҳрида содир бўлган шафқатсиз жиноят юзасидан суд ҳукми эълон қилинди. Маълумотларга кўра, бир аёл ўз қайнонаси ва эрини ўлдиргани учун жавобгарликка тортилди. Суд қарорига кўра, у 12 йил 3 ой озодликдан маҳрум қилиш жазосига ҳукм қилинди.

Ўзбекистон

30.10.2025, 14:21

Янги аэропорт қурилиши учун аҳоли уйлари бузиладими?

Тошкент вилоятининг Ўрта Чирчиқ ва Қуйи Чирчиқ туманлари туташ ҳудудида бунёд этилаётган Янги Тошкент халқаро аэропорти лойиҳаси доирасида айрим аҳоли хонадонлари ҳамда бино-иншоотларни бузиш режалаштирилгани маълум қилинди.

Ўзбекистон

30.10.2025, 12:33

Қозоғистонда ЛГБТ тарғиботини тақиқлаш тўғрисидаги тузатишлар маъқулланди. Ўзбекистонда вазият қандай?

Қозоғистон Мажлиси ОАВ, ижтимоий тармоқлар, кино ва рекламада ЛГБТ тарғиботини тақиқлашни назарда тутувчи тузатишларни маъқуллади. Ҳужжатда сўз ЛГБТ шахсларини тақиқлаш ҳақида эмас, балки ушбу мавзуларни тарғиб қилувчи материалларнинг тарқалишини чеклаш ҳақида кетмоқда.

Ўзбекистон

30.10.2025, 11:44

Президентнинг тегишли фармонлари билан тайинловлар амалга оширилди

Ўзбекистон Республикаси президентининг тегишли фармонлари билан бир қатор янги тайинловлар амалга оширилди.

Ўзбекистон

30.10.2025, 10:51

Қуруқ ваъда: 1 йилдан буён газлаштирилмаган хонадонларга имтиёз бериш тартиби ишлаб чиқилмаяпти

2024 йил октябр ойида энергетика вазири Жўрабек Мирзамаҳмудов газ таъминотига уланмаган ҳовлиси бор уй-жойлар учун ҳам электр энергияси тарифига 50 фоизлик чегирма берилиши ва бу 2025  йил 1 январдан жорий этилиши режалаштирилаётганини айтганди. Бироқ орадан 1 йилдан кўпроқ вақт ўтган бўлса-да, мазкур тартиб жорий этилмади.

Ўзбекистон

30.10.2025, 08:19

Футболдаги коррупцияга бағишланган «Offside» сериали блокланди

Қозоғистон футболидаги коррупцияга бағишланган спорт драмаси ижодкорлари лойиҳа албатта томошабинларга қайтишига ваъда бермоқда.

Жаҳон

29.10.2025, 17:18

"Хочу жить" лойиҳаси: 2025 йилда Украинада 500 дан зиёд ўзбекистонлик ҳалок бўлди

«Хочу жить» лойиҳаси жорий йил Украинадаги уруш давомида ҳалок бўлган 500 нафар ўзбекистонлик фуқаролар рўйхатини эълон қилди. Ташкилотнинг таъкидлашича, Россия қўшинлари сафидаги ўзбек ёлланма аскарлар сони ўсишда давом этмоқда.

Ўзбекистон

29.10.2025, 16:34

Янги версиядаги Cobalt учун онлайн контрактация 3 ноябрь куни очилади

Cobalt’нинг янги версиялари учун контрактация 3 ноябрь соат 10:00 дан бошлаб очилади. Савдолар фақат UzAvtoSavdo сайти ва иловаси орқали бўлади. Ўша куни барча Chevrolet дилерлик марказлари ёпилади ва UzAuto Motors савдо тизимидан узилади.

Иқтисодиёт

29.10.2025, 15:47

III Осиё ёшлар ўйинлари: ўзбекистонликлар яна 13 та медални қўлга киритди

Республика терма жамоаси аъзолари бокс, сузиш, гандбол, оғир атлетика, футзал, эркин кураш ва велоспорт бўйича мусобақаларда иштирок этиб, 5 та олтин ва 8 та бронза медалини қўлга киритишди.

Спорт

29.10.2025, 15:10

Ўзбекистонда нафақа пулларини кредитга ечиб олиш тақиқланади

Янги қоидаларга кўра, банклар пенсия, давлат ижтимоий нафақалари ва ёрдамлари сифатида тушадиган маблағлар, шунингдек, ижтимоий карталарга тушган суммалар ҳисобидан кредит қарздорлигини ундириши мумкин эмас.

Ўзбекистон

29.10.2025, 15:05