1 мартдан вафот этган шахснинг қариндошларига QR код юборилади

Қарорга кўра, вафот этган шахсларни дафн этишга рухсат бериш ва рўйхатга олиш жараёнлари электрон ахборот тизимига ўтказилади. Бу орқали соҳада мониторинг ва назорат механизми кучайтирилади.

Асосий ўзгаришлар:

• 2026 йил 1 июнга қадар “ФҲДЁнинг ягона электрон архиви” тизимида “Дафн этиш ишларини рўйхатга олиш ягона электрон дафтари” ва унинг мобиль иловаси ишлаб чиқилади.
• 2026 йил 1 мартдан вафот этган шахснинг қариндошларига ЯИДХП (my.gov.uz) шахсий кабинети орқали QR-кодли маълумотнома бепул юборилади.
• Мазкур QR-кодли маълумотнома гербли гувоҳномага тенглаштирилади.

Тошкентда эксперимент тартиби

2026 йил 1 июлдан 31 декабргача пойтахтда қуйидаги тартиб синовдан ўтказилади:

• дафн этишга рухсат бериш фақат электрон модуль ёки мобиль илова орқали амалга оширилади;
• қабристон мудирлари томонидан қоғоз шаклида рўйхат юритиш бекор қилинади.

Янги тартиб дафн этиш соҳасида шаффофликни ошириш, суиистеъмолларни олдини олиш ва хизматларни тезлаштиришга қаратилган.