320 та вокзал, станция ва разъезд номи давлат тили меъёрларига мувофиқлаштирилади

Транспорт вазирлиги матбуот хизматининг хабар қилишича, Вазирлар Маҳкамасининг 651-сонли қарорида “Ўзбекистон темир йўллари” акциядорлик жамияти тизимидаги барча объектларнинг номлари лотин ёзувига асосланган ўзбек тили қоидаларига мос шаклда қайта ёзилиши белгиланди.

Хусусан:

• Қўнғирот туманидаги вокзал номи “Kungrad” ўрнига “Qo’ng’irot” деб ёзилади;

• Асака туманидаги темирйўл станцияси “Assake” ўрнига “Asaka”;

• Паст Дарғом туманидаги станция эса “Djuma” ўрнига “Juma” тарзида расмийлаштирилади.

Шунингдек, ушбу ўзгаришлар пешлавҳалар, ахборот кўрсаткичлари, электрон маълумот тизимлари ва навигация белгиларида ҳам акс эттирилади.

Қарорга биноан, барча зарур техник ва ташкилий ишлар уч ой муддатда якунланиши белгиланган.