updated: 22.03.2026, 19:17

Ўзбекистон Афғонистонга 15 турдаги 2,7 тонна уруғликни ёрдам сифатида етказиб берди

Қишлоқ хўжалиги вазирлигининг хабар қилишича, 2024-йил 12-март, 18-20-март ва 2-6-апрель кунлари Афғонистонда Ўзбекистоннинг сиёсий ва иқтисодий таъсирини мустаҳкамлаш, мамлакат мафкуравий-маданий майдонида ўзбек омилини кучайтириш, кенг афғон жамоатчилиги орасида республикамизга нисбатан ижобий муносабат ва хайрихоҳлик муҳитини шакллантириш мақсадида Ўзбекистон делегацияларининг Афғонистонга хизмат сафарлари амалга оширилган.

Ўзбекистон

17.04.2024, 14:16

Lotinchada

Улашиш:

Oʻzbekiston Afgʻonistonga 15 turdagi 2,7 tonna urugʻlikni yordam sifatida yetkazib berdi

Ташрифлар доирасида қишлоқ хўжалиги соҳасида ҳамкорликни кенгайтириш бўйича Ўзбекистон Республикаси Қишлоқ хўжалиги вазирлиги ҳамда Афғонистон Қишлоқ хўжалиги, ирригация ва чорвачилик вазирлиги билан бир қатор келишувларга амалга оширилгани айтилмоқда.

Шунингдек, Афғонистон ҳудуди турли тупроқ-иқлим шароитларида қишлоқ хўжалиги экинлари уруғликларни экиб, синаб кўриш мақсадида Термиз шаҳридаги "Айритом" халқаро чегара ўтказиш пункти "Ҳайратон – Мозори Шариф" темир йўли орқали 15 турдаги экинларнинг 35 хилдаги селекция навларидан иборат 2,7 тонна уруғликлари туҳфа қилинган.

Қайд этилишича, уруғлик Афғонистон Қишлоқ хўжалиги, ирригация ва чорвачилик вазирлиги Илмий тадқиқотлар бош бошқармаси бошлиғи доктор Муҳаммад Рафи Бавари томонидан қабул қилиб олинган.

«Айтиш керак, бугун Афғонистон қишлоқ хўжалиги анча ортда қолган, буни биргина чигит экиш ишларини қўлда бажарилаётгани мисолида кўриш мумкин. Ўзбекистон ва Афғонистон тарихида илк бор кузатилаётган бу ҳамкорлик, Ўзбекистон ҳудудида яратилган навларнинг агротехнологияларини ўргатиш, пахтачилик йўналишида эришилган ютуқлар айнан, пахта, ғалла, сабзавот етиштирувчи масъул фермерларни бириктирган ҳолда афғон диёри қишлоқ хўжалигини ривожлантиришга кўмаклашишга қаратилгани билан аҳамиятли», - дейилади Қишлоқ хўжалиги вазирлиги хабарида.