Ўзбекистонда саратонга чалинганлар сони ортиб бормоқда

Ўзбекистонда 100 мингга яқин саратон касаллигига чалинган беморлар борлиги маълум қилинди.

GLOBOCAN маълумотларига кўра, 2022 йилда мамлакатда 35 900 та янги саратон ҳолати аниқланган. Уларнинг 55 фоизи, яъни 19 865 таси аёллар ҳиссасига тўғри келади. Аёллар орасида энг кўп учрайдиган касалликлар — кўкрак саратони (5022 ҳолат) ва бачадон бўйни саратони (2654 ҳолат) бўлган.

Маълумот учун, 2019 йилда бачадон бўйни саратони 1660 нафар аёлда қайд этилган. Бу касаллик дунё миқёсида аёллардаги саратонлар орасида 4-ўринда туради, кўкрак саратони эса 1-ўринни эгаллайди.

Мутахассислар саратон касалликлари сўнгги йилларда ёшлар орасида ҳам кўпайиб бораётгани ва кўп ҳолларда кеч аниқланаётганидан огоҳлантирмоқда.