updated: 21.03.2026, 16:15

Ўзбекистонда темирйўл чипталари нархи яна оширилди

2025 йил 1 февралидан бошлаб "Афросиёб" тезюрар поездининг чипта нархлари 25 фоизга, "Шарқ", "Насаф", "Ўзбекистон" поездларининг чипта нархи эса 30 фоизга қимматлашмоқда. Бу ҳақда "Ўзбекистон темир йўллари" АЖ матбуот хизмати хабар қилди.

Ўзбекистон

06.01.2025, 10:31

Lotinchada На русском языке In English

Улашиш:

Oʻzbekistonda temiryoʻl chiptalari narxi yana oshirildi

Унга кўра, "Афросиёб" электропоездларнинг Тошкент – Бухоро йўналишида энг арзон чипта нархи 484 минг сўм, Тошкент – Қарши йўналишида энг арзон чипта 406 минг сўм, Тошкент –Самарқанд йўналишида ҳаракатланадиган "Афросиёб" поездининг энг арзон чипта нархи эса 294 минг сўмни ташкил этади.

"Ташкилот оширилган чипта нархларининг пулига темир йўл инфратузилмаси, электр энергия, ёқилғи ва транспорт харажатларини қоплаш, шунингдек юқори тезликда ҳаракатланувчи электропоездларни харид қилиш ва йўловчи вагонлари паркини янгилаш, темирйўл вокзаллари фаолиятини янгича замонавий талабларга мувофиқ олиб бориш ва йўловчиларга сифатли хизмат кўрсатишни мақсад қилган", дейилади хабарда.

Эслатиб ўтамиз, 2024 йилнинг ёз ойларида маҳаллий ва хорижий сайёҳлар Ўзбекистонда ҳаракатланаётган поездларининг талабга жавоб бермаслигини, электрон чиптани сотиб олишдаги муаммолар ва поездлар ҳақида сайтда берилган маълумотлар аслиятга тўғри келмаслигини бир неча бора айтиб чиққан эди.

Маълумот учун, 2024 йилнинг ўзида Ўзбекистон темир йўл чипталарининг нархларига 3 маротаба ўзгартиришлар киритилган. Охирги ўзгартириш ўтган йилнинг 1 июлида маҳаллий йўналишлардаги йўловчи поездлар — "Насаф", "Шарқ", "Ўзбекистон" поездлари чипта нархларининг тариф қисми 25 фоизга оширилган эди.

Ўзбекистон

06.01.2025, 10:31

Улашиш:

#Афросиёб

мавзуга оид янгиликлар