Тошкентнинг тўққизта маҳалласи "свет"дан узиб қўйилди

Қайд этилишича, Вазирлар Маҳкамасининг 2023 йил 26 июндаги 259-сон қарорига асосан Олмазор туманининг айрим ҳудудларини электр энергияси билан таъминловчи ДОК подстанциясида эскирган электр қурилмаларини замонавий электр қурилмаларга алмаштириш ишларини хавфсиз олиб бориш ҳамда юкламани тенг тақсимлаш мақсадида вақти-вақти билан қисқа муддатли электр таъминотида узилишлар кузатилади. 

Шунга кўра, бугун Олмазор туманининг "Аҳил", "Элпарвар", "Янги Тошкент", "Гулзор", "Мояриқ", "Иброҳим ота", "Ислом ота", "Олтинсой" ҳамда "Мискин" МФЙларининг айрим ҳудудларида соат 09:00 дан 17:00 гача "свет" бўлмайди.

"Ўз навбатида, юқоридаги ҳудудларда таъмирлаш ишлари белгиланган вақтдан аввалроқ якунланиши мумкинлигини билдириб ўтамиз", дейилади хабарда.

Шунингдек, "Тошкент шаҳар электр тармоқлари" МЧЖ мазкур таъмирлаш ишлари туфайли электр таъминотидаги вақтинча узилишлар сабабли етказилаётган ноқулайликлар учун ушбу ҳудудларда яшовчи истеъмолчилардан узр сўраган.