AQSH BMT xarajatlar tizimini tubdan isloh qilishni talab qildi

Bu hafta “Devex” yangiliklar agentligi AQSH tomonidan tarqatilgan ikki diplomatik notada ko‘proq mablag‘ ajratish sharti sifatida to‘qqizta tezkor islohot, jumladan, xarajatlarni yanada qisqartirish va Xitoyning BMTdagi ta’siriga qarshi harakat qilishga chaqirilganini xabar qildi.

“Biz gaplashayotgan pullar majburiy badallar deb ataladi”, – dedi Guterrish hisobotlar haqidagi savolga javoban jurnalistlarga. – “Majburiy badallar a’zo davlatlarning burchidir. Ular muhokama qilinmaydi”.

A’zo davlatlar, ayniqsa, Qo‘shma Shtatlarning bosimi ostida islohotlarni amalga oshirayotgan Guterrish “ushbu tashkilotni BMT g‘amxo‘rlik qiladigan insonlarga imkon qadar samarali, tejamkor va xizmat ko‘rsata oladigan holga keltirish uchun qo‘ldan kelgan barcha ishni qilishini” ta’kidladi.

“Ammo bu ikkalasi ikki xil narsa”, – deya qo‘shimcha qildi u.

“Devex” nashriga ko‘ra, AQSH talab qilgan xarajatlarni qisqartirish chora-tadbirlari quyidagilarni o‘z ichiga olgan:

-      BMT nafaqa tizimini tubdan isloh qilish;

-      ayrim yuqori va barcha o‘rta bo‘g‘in mutaxassislarining uzoq masofalarga biznes-klassda parvoz qilishini bekor qilish;

-      BMTning yuqori lavozimli xodimlari sonini yana qisqartirish;

-      uzoq muddatli va samarasiz tinchlikparvarlik missiyalarini 10 foizga kamaytirish.