Qozogʻiston sobiq ichki ishlar vaziriga sud hukmi oʻqildi

Unda qayd etilishicha, Yerlan Turgʻumbayevning qoʻlga olinishi mamlakatda 2022 yil yanvarda yuz bergan tartibsizliklar boʻyicha oʻtkazilgan tergov bilan bogʻliq. Ilgari sobiq vazir bu ishda guvoh sifatida ishtirok etgan. 

8 avgust kuni Ostona jinoyat ishlari boʻyicha tumanlararo sudi Qozogʻiston sobiq ichki ishlar vaziri Erlan Turgʻumbayevni besh yillik shartli jazoga hukm qilgan. Sud uni mansab vakolatini suiisteʼmol qilganlikda ayblagan. 

Ammo sud ayblanuvchi oʻz aybiga iqror boʻlgani, chin koʻngildan pushaymonligi, ilk bor jinoyat sodir etgani, shuningdek, jinoyat tarkibida korrupsiya holati yoʻqligini inobatga olib, Turgumbayevga nisbatan shartli jazo tayinlagan. 

Sud qaroriga koʻra, sobiq vazir 10 yil muddatgacha muayyan lavozimlarni egallash huquqidan mahrum etilgan. Shuningdek, Qozogʻiston Prezidentiga Turgumbayevni maxsus unvon va davlat mukofotlaridan mahrum qilish taklifini ham bergan.