Францияда эркак уч аёлга пичоқ билан ҳужум қилди

Франция полицияси 27 июль куни уч аёлга пичоқ билан ҳужум қилган эркакни ҳибсга олди.

"Ҳужумчининг ҳаракатини кўрган атрофдагилар уни ерга йиқитиб ушлаб туришган, сўнг хизмат вазифасида бўлмаган полиция ходими уни қўлга олган", — деди ички ишлар вазири Лоран Нунес журналистларга.

Нунеснинг сўзларига кўра, Порт-де-Клиши яқинида содир бўлган ҳодисада ҳужумчи 19, 24 ва 36 ёшли уч аёлга иккита ошхона пичоғи билан ҳужум қилиб, улардан икки нафарини оғир яралаган.

Reuters томонидан тасдиқланган видеода узун қора сочли, оч сарғиш кийимдаги бир эркакнинг ҳар икки қўлида пичоқ ушлаган ҳолда ёш аёлга ҳужум қилиб, уни пичоқламоқчи бўлгани акс этган.

Reuters агентлигининг ёзишича, “Менга Аллоҳ буюрди”, – деган ерда ётган жиноятчи.

“Ҳужум сабаби ҳозирча номаълум”, – деди Нунеc ва қўлга олиш пайтида гаплари “тушунарсиз” бўлган ҳужумчининг шахсини тасдиқланмаганини қўшимча қилди.

Франция миллий аксилтеррор прокуратураси тергов очиш масаласини кўриб чиқмоқда.