“Тўп тепилмайди!” - мексикалик ўқитувчилар Жаҳон чемпионатини бузиш билан таҳдид қилмоқда

Норoзилик иштирокчилари майдонга “Тўп тепилмайди!” деган қатъий шиорлар билан чиқишган.

Минглаб ўқитувчи ва таълим соҳаси ходимлари футбол бўйича кутилаётган Жаҳон чемпионати (ЖЧ-2026) бошланиши арафасида пойтахт кўчалари бўйлаб йирик марш ташкил этди. 

Вазиятнинг жиддийлиги шундаки, айнан Мехикодаги машҳур «Ацтека» стадионида кейинги ойда нуфузли турнирнинг расмий очилиш учрашуви бўлиб ўтиши режалаштирилган.

Намойишчилар агар мамлакат расмийлари яқин кунларда уларнинг талабларини қондирмаса, янада йирикроқ тартибсизликлар уюштиришларини маълум қилишган. 

Натижада дунё биринчилигининг энг муҳим ва марказий ўйинлари ўтказилиши жиддий хавф остида қолмоқда.