Хитойда тўлиқ сунъий интеллектга асосланган шифохона очилди

Лойиҳага раҳбарлик қилаётган Лю Ян бу муассаса тиббиёт соҳаси ва кенг жамоатчилик учун катта имкониятлар очишини айтмоқда. Сунъий интеллект ёрдамида ҳақиқий шифохона муҳитини яратиш ва виртуал шифокорлар томонидан беморларни мустақил даволаш миллионлаб инсон ҳаётини сақлаб қолиши мумкин. 

Синов жараёнида AI шифокорлар АҚШ Тиббий лицензия имтиҳони саволлари базаси тестида 93,06 фоиз аниқлик натижасига эришган. Виртуал шифокорлар асосан нафас йўллари касалликларини аниқлаш ва даволаш билан шуғулланади. 

Улар беморни қабул қилиш, текширув, ташхис, даволаш ва кузатиш каби барча жараёнларни мукаммал симуляция қилади.Таққослаш учун, инсон шифокорлар айнан шунча беморни даволаш учун камида икки йил вақт сарфлашлари керак бўлади. 

AI шифохонада 14 нафар виртуал шифокор ва 4 нафар ҳамшира фаолият юритади. Шифокорлар ташхис қўйиш ва индивидуал даволаш режаларини тузиш билан шуғулланади, ҳамширалар эса беморларни кунлик парвариш қилади. 

Бу лойиҳа тиббий таълим соҳасида ҳам катта имкониятлар яратади. Талабалар хавфсиз муҳитда беморларни ташхислаш ва даволаш кўникмаларини машқ қилиши мумкин. Бу эса келгусида малакали ва тайёр шифокорлар етишиб чиқишига замин яратади. 

Шунингдек, AI шифохонаси онлайн тиббий хизмат кўрсатиш имкониятига эга бўлиб, сунъий интеллект шифокорлари минглаб, ҳаттоки миллионлаб ҳолатларни масофадан бошқариши мумкин. Бу, айниқса, юқумли касалликлар тарқалишини олдини олиш ва назорат қилишда муҳим роль роль.