Нью-Йорк мэри этиб мусулмон ва социалист Зоҳран Мамдани сайланди

Зоҳран Мамдани — демократлар партиясидан номзод ва демократиячи социалистлар ҳаракати аъзоси. У ўз сайловолди дастурида аҳолининг уй-жой муаммосини ҳал этиш, жамоат транспортини бепул қилиш ва бойлар учун солиқни оширишни ваъда қилган.

АҚШ президенти Дональд Трамп уни танқид қилиб, Мамдани ҳақида «коммунист жинни, у Нью-Йоркни йўқ қилади» деб айтган ва шаҳарга ажратиладиган федерал маблағларни қисқартириш билан таҳдид қилган.

Мамдани эса ўз чиқишида Трампга жавоб қайтариб:

«Трампни ҳайратга солиш учун уни ҳокимиятга келишига имкон берган тизимни бузиш керак. Шу йўл билан биз нафақат Трампни, балки кейин келадиган шу каби раҳбарларни ҳам тўхтатамиз», — деди Мамдани ўз тарафдорлари олдида сўзлаган нутқида.