Ўзбекистон Қозоғистондан бензин сотиб олишни бошлади

Ўзбекистонга Қозоғистондан бензин импорти 10 бараварга ошди. Бу ҳақда Inbusiness.kz нашри Argus агентлиги маълумотларига таяниб хабар берди.

Иқтисодиёт

23.09.2025, 13:00

Lotinchada

Улашиш:

Oʻzbekiston Qozogʻistondan benzin sotib olishni boshladi

Foto: pexels.com

Унга кўра, 2025 йилнинг биринчи ярмида Ўзбекистон Россиядан олиб келинган нефть ва конденсат ҳажмини ўтган йилга нисбатан деярли икки баравар камайтирди.

Бунга Россия нефтни қайта ишлаш заводларига уюштирилган ҳужумлар оқибатида ёнилғи тақчиллиги юзага келгани ҳамда «Газпромнефт»нинг Фарғона NQZга (Нефтни қайта ишлаш заводи) «Transneft» ва «KazTransOil» тизимлари орқали йўлга қўйган етказиб беришлари тўхтагани сабаб бўлди. Ушбу бўшлиқни қисман Астархон ва Салават заводларидан конденсат ташиш билан қоплашга ҳаракат қилинди.

Россия импортининг камайиши фонида Туркманистон ва Қозоғистондан хомашё оқими кескин ошди. Жумладан, туркман хомашёси экспорти қарийб беш бараварга кўпайди. Бундан ташқари, йил бошидан буён Киянли (Петронас) ва Қозоғистоннинг Белес, Макат ва Бейнеу станцияларидан ҳам конденсат етказиб берилмоқда.

Авиакеросинга талаб ошгани ҳам қайд этилди. Асосий ҳажм Россиядан Тошкентга олиб келинган бўлса-да, Беларус ва Туркманистондан келадиган ҳажмлар қисқарди. Ёз ўрталарида Тошкент аэропортида катта захира шакллантирилди ва энди ёнилғини мамлакатнинг бошқа аэропортларига ҳам тақсимлаш масаласи кўриб чиқилмоқда.

Дизель ёнилғиси импорти ҳам ўсди, бироқ бензин бўйича четдан харидлар камайди. Бунга маҳаллий нефтни қайта ишлаш заводлари ишлаб чиқариш ҳажмини оширгани сабаб бўлди. Шу билан бирга, Қозоғистон бензини импорти Ўзбекистонга қарийб 10 бараварга кўпайди. Бу қўшни давлатнинг йирик НҚЗларига экспорт квоталари берилгани билан боғлиқ.

Иқтисодиёт

23.09.2025, 13:00

Улашиш:

#Қозоғистон #Ўзбекистон #бензин

мавзуга оид янгиликлар