Бахтиёр Саидов уч мамлакат дипломати билан кўришди (фото)

Қайд этилишича, Бахтиёр Саидов Янги Зеландиянинг Ўзбекистондаги элчиси этиб тайинланган Марк Жулиан Трейнор билан учрашган. Сўнг Саидов Янги Зеландия дипломати билан қишлоқ хўжалиги, саноатни ривожлантириш, яшил иқтисодиёт, тадбиркорлар ўртасидаги ҳамкорликни йўлга қўйиш масалаларини муҳокама қилган. 

Шунингдек, ТИВ раҳбари Босния ва Герсеговинанинг Ўзбекистондаги биринчи элчиси Иван Орличдан ишонч ёрлиқларини қабул қилган. Кейин дипломат билан икки томонлама иқтисодий соҳада ҳамкорлик қилиш учун имконият яратиш бўйича фикр алмашган. 

Бундан ташқари, Саидов Венесуэланинг Ўзбекистондаги элчиси Росалба Ло Буе Антико хоним билан ҳам кўришган. Учрашув давомида ТИВ раҳбари Венесуэла вакили билан мамлакатлар ўртасида янги қўшма лойиҳаларни ишлаб чиқиш ҳамда уларни амалга ошириш, парламентлараро ҳамкорликка кўмаклашиш, билим алмашинувини ривожлантириш ҳамда бошқа масалалар юзасидан фикр алмашган. 

Маълумот учун, бугунги кунда Ўзбекистонда 53 та давлатнинг элчихонаси мавжуд. Баъзи давлатларнинг Тошкентда доимий элчихонаси бўлмасада, уларнинг Ўзбекистонга масъул дипломатик ваколатхоналари бошқа мамлакатларда (масалан, Қозоғистон ёки Россияда) жойлашган.