Учта банкнинг 148 нафар ходими тартибга чақирилди

Қайд этилишича, юқорида номи келтирилган банкларнинг айрим ходимлари Ўзбекистон қонунчилигида тақиқлаган бўлса ҳам тадбиркорлик фаолияти билан шуғулланиб юрган. Мазкур уч банкда ишлайдиган 148 нафар бошқарув ходими 155 та тадбиркорлик субъектида таъсисчилик асосида фаолият юритиб келган. 

Жумладан, "Микрокредитбанк" АТБнинг 94 нафар бошқарув ходими 96 та тадбиркорлик субъектида, "Бизнесни ривожлантириш банки" АТБнинг 41 нафар бошқарув ходими 46 та тадбиркорлик субъектида ҳамда "Туронбанк" АТБнинг 13 нафар бошқарув ходими 13 та тадбиркорлик субъектида таъсисчи сифатида рўйхатдан ўтган.

"Банклар томонидан тақдимномалар танқидий муҳокама қилинган ҳолда тадбиркорлик субъектларида таъсисчилик қилаётган ходимларга нисбатан огоҳлантириш хатлари берилиб, қайд этилган қонунбузилиши ҳолатлари бартараф этилмоқда", дейилади хабарда.

Аммо уларга мазкур ҳолат юзасидан огоҳлантириш хати бериш билан чекланган халос. Ёки агентлик тақдим этган маълумотларда бу келтирилмаган. 

Эслатиб ўтамиз, агентлик томонидан Транспорт, Мактабгача ва мактаб таълими ҳамда Маданият вазирликлари ва уларнинг тизим ташкилотларида ишловчи 107 нафар бошқарув ходими тадбиркорлик билан шуғулланиб келаётганлиги аниқланган эди. 

Маълумот учун, Ўзбекистон Республикасининг "Тадбиркорлик фаолияти эркинлигининг кафолатлари тўғрисида"ги, "Давлат фуқаролик хизмати тўғрисида"ги қонунларида давлат фуқаролик хизматчиси тадбиркорлик фаолияти билан шуғулланиши тақиқланган.