Тошкент метроси бекатларида ойнали ҳимоя тўсиқлари ўрнатилади

Бу ҳақда Шавкат Мирзиёев 13 май куни Тошкент метрополитенида хизмат сифати ва инфратузилмани ривожлантиришга оид тақдимот билан танишуви чоғида маълум қилинди.

“Шаҳристон” бекатида синов бошланади

Маълум қилинишича, платформалардаги бахтсиз ҳодисаларнинг олдини олиш учун Шаҳристон метро бекатида синов тариқасида ойнали ҳимоя тўсиқлари ўрнатилади.

Халқаро тажрибага кўра, бундай тўсиқлар платформадаги хавфли ҳолатларни 80–90 фоизгача камайтириш имконини беради. Шу билан бирга, конструкциялар қўшимча реклама майдонлари сифатида ҳам фойдаланилади.

Янги метро йўналишлари режалаштирилмоқда

Тақдимотда “Мингўрик – Чилонзор буюм бозори” метро линияси бўйича лойиҳа ҳужжатларини ишлаб чиқиш режаси ҳам кўриб чиқилди.

Лойиҳанинг:
— биринчи босқичида “Мингўрик – Жанубий вокзал”;
— иккинчи босқичида “Жанубий вокзал – Чилонзор буюм бозори”

йўналишларини қуриш имкониятлари ўрганилади.

“Park&Ride” тизими жорий этилади

Шунингдек, шахсий автомобилдан метро транспортига қулай ўтишни таъминлаш мақсадида “Park&Ride” тизимини жорий этиш режалаштирилмоқда.