Нефть бозорида кескин ўсиш: нархлар 100 доллардан ошиб кетди

Жаҳон нефть бозорида кескин ўзгаришлар кузатилмоқда. Москва вақти билан соат 01:00 ҳолатига кўра нефть нархи 9,46 фоизга ошиб, бир баррел учун 102,15 долларга етди. Орадан етти дақиқа ўтиб, яъни 01:07 да ўсиш янада тезлашиб, нарх 102,66 долларга (+10%) кўтарилган. Бу ҳақда “ТАСС” ахборот агентлиги хабар берди.

Лондоннинг ICE биржаси маълумотларига кўра, 6 март куни Brent нефти нархи 2024 йил 19 апрелдан бери илк бор баррел учун 90 долларлик чегарани босиб ўтди. Москва вақти билан соат 16:47 да нарх 5,37 фоизга кўтарилган бўлса, 16:51 га келиб у 90,19 долларга етган ва умумий ўсиш 5,6 фоизни ташкил этган.

2026 йил май ойида етказиб бериш учун Brent нефти фьючерслари Лондоннинг ICE биржасида деярли 20 фоизга қимматлашди.

Москва вақти билан соат 01:15 да (GMT бўйича 22:15) нефть нархи янада кескин ошиб, 2022 йил 5 июлдан бери биринчи марта баррел учун 111 доллардан ошиб кетди. Савдоларда бир баррел нефть 111,40 долларга сотилиб, умумий ўсиш 19,37 фоизни ташкил этди.

Бироқ бироздан сўнг ўсиш суръати секинлашди. Москва вақти билан соат 22:24 да нефть нархи 108,23 доллар атрофида шаклланди, бу эса 15,98 фоизлик ўсишни англатади.

Маълумот учун, Москва ва Ўзбекистон вақти ўртасида 2 соат фарқ бор.