Япония супермаркетларида маҳсулот “юзи” бор

Бу амалиёт “kao-no-mieru-kankei” деб аталади ва “юзма-юз муносабат” деган маънони англатади. Унинг асосий мақсади — маҳсулот сифати, шаффофлик ва ишончни таъминлаш.

Қутидаги сурат маҳсулотни оддий товар эмас, балки аниқ бир инсон меҳнати маҳсули сифатида кўрсатади. Харидор ким етиштирганини билиб, маҳсулотга нисбатан ишончи ортади.

Маҳсулотнинг келиб чиқиши аниқ бўлгани учун назорат ва кузатув осонлашади. Бу эса озиқ-овқат хавфсизлигида муҳим аҳамиятга эга.

Бундай ёндашув маҳаллий фермерларни қўллаб-қувватлайди, уларнинг меҳнатини қадрлашга хизмат қилади ва истеъмолчи билан ишлаб чиқарувчи ўртасида боғлиқликни мустаҳкамлайди.

Японияда маҳсулот нафақат таъми, балки ким етиштиргани билан ҳам қадрланади. Балки шу сабабли ҳам япон истеъмол маданияти бутун дунёда ўрнак сифатида кўрсатилади.