Pentagon Google sun’iy intellektidan foydalanishni kengaytirish bo‘yicha kelishuv tuzdi

Ushbu xabar AQSh harbiylari Anthropic kompaniyasining sun’iy intellektidan voz kechishga harakat qilayotgan bir paytda yangramoqda. Bunga kompaniyaning o‘z texnologiyasidan ommaviy ichki kuzatuv yoki nomustaqil qotil mashinalar uchun foydalanishga qarshi ekani sabab bo‘lgan.

AQSh harbiylari doirasidagi maxfiy operatsiyalarda foydalanish uchun faqat Anthropic kompaniyasining Claude sun’iy intellekt modeliga ruxsat berilgan edi.

Fevral oyida Pentagon rahbari Pit Hegset Anthropic’ni milliy xavfsizlik ta’minot zanjiri uchun xavf deb topgach, Tramp AQSh hukumatiga Anthropic texnologiyasidan foydalanishni “zudlik bilan to‘xtatish”ni buyurgan edi. Bu yorliq odatda dushman mamlakat tashkilotlari uchun qo‘llanadi.

Hozirda kompaniya ushbu choralarga qarshi sudda kurashmoqda.

Anthropic’ning Claude nomli sun’iy intellekt modeli AQSH harbiylari doirasidagi maxfiy operatsiyalarda foydalanish uchun ruxsat berilgan yagona model edi.

Anthropic bilan yuzaga kelgan mojarodan so‘ng, raqobatchi OpenAI o‘zining sun’iy intellekt interfeyslarini ushbu tizimga integratsiya qilish yuzasidan hukumat bilan kelishuvga erishdi.

Texnologiya yangiliklari sayti The Information’ga ko‘ra, Ilon Maskning xAI kompaniyasi ham Anthropic bilan kelishmovchilikdan so‘ng Pentagon bilan shartnoma tuzgan.

"Yagona bir ta’minotchiga ortiqcha tayanib qolish hech qachon yaxshilikka olib kelmaydi," – dedi Pentagonning raqamli texnologiyalar bo‘yicha bosh direktori Kameron Stenli.

Xabarlarga ko‘ra, Pentagonning texnologiya provayderlari bilan tuzgan kelishuvlari sun’iy intellekt vositalaridan faqat qonun doirasida foydalanishni ko‘zda tutadi.

Dushanba kuni 600 dan ortiq Google xodimi o‘z sun’iy intellekt texnologiyasini harbiy amaliyotlarda qo‘llashga imkon beradigan Pentagon taklifini rad etishni kompaniyadan talab qilgan.

Google bosh direktori Sundar Pichai nomiga yo‘llangan maktubni kompaniyaning bir necha bo‘linmalari xodimlari imzolagan.

Pentagon tezkor harakatlanish moslashuvchanligini saqlab qolish zarurligini da’vo qilib, sun’iy intellektga oid kelishuvlarda umumiy mazmundagi bandlar bo‘lishini talab qilmoqda.

2018-yilda xodimlar harakati Googleni dron operatsiyalariga sun’iy intellektni joriy etishga qaratilgan Pentagonning Project Maven dasturidan voz kechishga majbur qilgan edi.

Biroq, so‘nggi yillarda Google o‘z strategiyasini o‘zgartirdi — kompaniya o‘zining harbiy biznesini izchil ravishda qayta tiklamoqda va mudofaa sohasidagi shartnomalar uchun raqobatchilari bilan kurashmoqda.