Kelgusi 10 yilda 450 mlrd dollarlik energetika loyihalari amalga oşiriladi

Özbekistonda kelgusi ön yilda hamkorlar bilan quyoş va şamol elektr stantsiyalari hamda energiya saqlaş quvvatlarini barpo etiş böyiça 450 mlrd dollarlik loyihalarni amalga oşiriş maqsad qilingan. Bu haqda Prezident Şavkat Mirziyoyevning elektrotexnika sanoati vakillari, tadbirkorlar hamda investorlar bilan muloqotida ma’lum qilindi.

Uçraşuvda elektrotexnika sanoati uçun asosiy xomaşyolardan biri bölgan mis işlab çiqarişni köpaytiriş masalasiga alohida e’tibor qaratildi. Joriy yilda uçinçi mis boyitiş fabrikasi işga tuşirildi. Uşbu loyiha hisobiga mis işlab çiqariş hajmi 300 ming tonnaga, 2030 yilga borib esa 500 ming tonnaga yetkaziladi.

Mamlakatda quyoş va şamol elektr stantsiyalari, energiya saqlaş quvvatlari barpo etilmoqda. Şuningdek, hududlarda keng kölamli quriliş işlari olib borilmoqda. Bu elektrotexnika mahsulotlari uçun katta va uzoq muddatli bozor yaratadi.

Davlat rahbari elektrotexnika sanoatidagi navbatdagi vazifa işlab çiqariş quvvatlarini oşiriş bilangina çeklanmasdan, katta texnologik sakraşni amalga oşiriş ekanini ta’kidladi.

Jumladan, 2030 yilgaça energiya saqlaş quvvatlarini 4,5 gigavattga yetkaziş rejalaştirilgan. Xorijiy hamkorlar uşbu loyihalarda mahalliy mahsulotlardan foydalanişga tayyor, biroq zarur ayrim uskunalar hozirça Özbekistonda işlab çiqarilmayapti.

Uçraşuvda videokuzatuv uskunalari işlab çiqariş imkoniyatlari ham muhokama qilindi. Savdo majmualari, korxonalar, uy-joylar va köçalarda bunday uskunalarga talab ortib bormoqda. Uşbu mahsulotlarning içki bozordagi yillik ehtiyoji 200 mln dollarni, qöşni mamlakatlar bozori bilan birga hisoblaganda esa 600 mln dollardan oşadi.

Buxorodagi «Digital security» va Samarqanddagi «Samvision» korxonalari öz dasturiy ta’minoti asosida yiliga 2 mingta kamera işlab çiqarmoqda. Bunday loyihalar sonini köpaytiriş zarurligi körsatib ötildi.

Prezident mis va muhim minerallar zaxiralari, salohiyatli yoşlar, tajribali tadbirkorlar hamda hamkorlikka tayyor investorlar imkoniyatlarini yangi texnologiyalar va işlanmalar bilan birlaştiriş muhimligini qayd etdi.