Shikastlangan davlat raqamini onlayn almashtiring

my.gov.uz portali orqali bu xizmatdan onlayn foydalana olasiz:

 - my.gov.uz portaliga kiring;

- “Shikast yetgan avtotransport vositasining davlat raqami belgisini tiklash” xizmatini tanlang;

- arizani to‘ldiring va unga shikastlangan davlat raqamining fotosuratini ilova qiling.

Ariza ko‘rib chiqilgach, sizga to‘lov uchun invoys yuboriladi.

To‘lov amalga oshirilgach, ko‘rsatilgan hududiy bo‘linmaga borib eski raqamni topshirasiz va yangisini qabul qilib olasiz.

To‘lov bazaviy hisoblash miqdoriga (BHM) asoslangan:

• 1 juft raqam uchun: 1 854 000 so‘m (4,5 BHM)
• 1 dona raqam uchun: 927 000 so‘m (2,25 BHM).

Ariza yuborishda raqamning holati aks etgan rasm aniqligiga e’tibor bering. Bu jarayonni tezlashtiradi va ortiqcha ovoragarchilikning oldini oladi.