Qozogʻistonda 30 mingdan ortiq oila toshqindan keyin bir martalik nafaqa oldi

Qozogʻiston bosh vaziri oʻrinbosari Kanat Bozumbayev seshanba kuni boʻlib oʻtgan hukumat yigʻilishida 15 mingdan ortiq uy va qishloq uylari koʻrikdan oʻtkazilganini maʼlum qildi. Jami 9 mingdan ortiq uy restavratsiya qilinishi kerak, 4315 tasi avariya holatida deb topilgan.

Hududlarda 1847 ta uy va xonadonlar qurilishi boshlandi, ikkilamchi bozorda 3417 ta uy-joy sotib olish rejalashtirilgan. Qisqa qurilish mavsumi hisobga olinib, oʻquv yili boshiga qadar jabrlangan qozogʻistonliklarga uy va xonadonlar topshirilishi rejalashtirilgan.

Qozogʻiston Favqulodda vaziyatlar vazirligi maʼlumotlariga koʻra, 63 ming evakuatsiya qilinganlar allaqachon uylariga qaytgan, 5,3 ming kishi esa vaqtinchalik joylashtirish markazlarida qolmoqda. Suv toshqini oldini olish ishlariga 4,4 ming kishi va 665 texnika, 260 nasos, 54 ta kema va toʻrtta samolyot jalb etilgan.

Eslatib oʻtamiz, aprel oyining boshida Prezident Qosim-Jomart Toqayev qozogʻistonliklarga murojaat qilib, hech bir fuqaro davlat eʼtiboridan chetda qolmasligi, barchaga moddiy va boshqa zarur yordam koʻrsatilishi, barcha moddiy yoʻqotishlar qoplab berilishini maʼlum qilgan edi.