Qozogʻistonliklar Jennifer Lopes Toshkentdan Instagram sahifasida post qoʻyib, Ostana haqida gapirmaganidan norozi

“Jennifer Lopesning Instagramʼi butun dunyo boʻylab 248 million kishilik auditoriyaga ega. Bunday darajadagi yulduzning ijtimoiy tarmoqlardagi posti yoki hikoyasi shaharni bir zumda global kun tartibiga kiritadi. Shu bois bu kabi eslatmalar turizmni rivojlantirayotgan mamlakatlar uchun nihoyatda muhim”, — deyiladi maqolada.

Nashrning yozishcha, Ostonda konsert chiptalari tezlikda sotilgan boʻlsa, Oʻzbekistonda chiptalar sotish uchun aksiya tashkil etilgan. Ikki va undan ortiq konsertga bilet sotib olganlar uchun 40 foizlik chegirma berilgan. Gastrol davomida Lopesga 90 nafarga yaqin jamoa: musiqachilar, qoʻshiqchilar, raqqosalar, liboslar dizaynerlari, vizajistlar, yoritish boʻyicha texniklar, xavfsizlik, logistika va boshqaruv hamrohlik qilgan.

“Lopesning jamoat maydoni va ijtimoiy tarmoqlarda faol ishtirok etishi Toshkentga tashrifining oʻziga xos jihati boʻldi. Konsert arafasida yulduzga portreti tushirilgan anʼanaviy taom - lyagan sovgʻa qilindi. U Instagramʼda sovgʻaning oʻrami ochilayotgani aks etgan videoni joylashtirdi. Shuningdek, xonanda mahalliy sanʼatkor Munisa Rizaevaning unga guldasta sovgʻa qilayotgani tushgan suratini eʼlon qilib, postga “Toshkentda iliq kutib olganingiz uchun tashakkur” deb imzo chekib, oʻzbek jamoatchiligiga minnatdorchilik bildirdi. Shuningdek, unga mahalliy tashkilotchilar tomonidan shaxsiy sovgʻa toʻplami topshirilgani maʼlum qilindi. Yana bir videoda sanʼatkor koʻk rangli fitnes kostyumida raqsga tushar ekan, noz-neʼmatlar solingan katta dasturxon qoʻyilgan zaldan Toshkent manzaralarini namoyish etdi”, — deyiladi Orda.kz nashri tahlilida.

Orda.kzga koʻra, J.LoʻningToshkentga tashrifi qisqa muddatli boʻlgan, biroq u ijtimoiy tarmoqlarda boʻlishgan surat va postlari dunyo boʻylab yuz millionlab odamlarning eʼtiborini oʻziga qaratgan.

Nashr tilga olgan yana bir narsa shundaki. J.Lo Ostondagi konsertdan soʻng darhol qozoq matbuotiga emas, oʻzbek matbuotiga ikkita intervyu bergan.

Qozoq nashrining yozishicha, Jennifer Lopes gastrol dasturida kansertdan tashqari shaxsiy fotosessiya ham boʻlgan. Bu qisqa shaxsiy uchrashuv, fotosurat va avtograf, koʻpincha belgilangan narx bilan. Ostonada mazkur paket 2000 AQSh dollarga tushgan. Osotondagi fotosessiya ishtirokchilari orasida, masalan, rossiyalik prodyuser Yana Rudkovskaya ham boʻlgan.

Shu joyda bir oʻrinli savol tugʻiladi, shunda Munisaning u bilan rasmga tushishi va Shahnoza Mirziyoyevni tugʻilgan kuni bilan tabriklashi ham pulli bʼlganmi?