updated: 21.03.2026, 00:53

1,8 млрд сўмдан ортиқ асоссиз қарздорлик тадбиркорлар фойдасига қайта ҳисоб-китоб қилинди

Иккита МЧЖга нисбатан “Ҳудудгаз Жиззах” газ таъминоти филиали томонидан асоссиз қарздорлик белгиланганлиги юзасидан тушган мурожаат ўрганиб чиқилди.

Иқтисодиёт

04.07.2025, 20:57

Lotinchada

Улашиш:

1,8 млрд сўмдан ортиқ асоссиз қарздорлик тадбиркорлар фойдасига қайта ҳисоб-китоб қилинди

Рақобат қўмитаси ва унинг ҳудудий органларига тадбиркорлик субъектларидан табиий газ учун асоссиз ҳолда нотўғри қарздорликлар ҳисобланганлиги юзасидан мурожаатлар келиб тушмоқда.

Xусусан, Қўмитанинг Жиззах вилояти ҳудудий бошқармасига “Жиззах йўл қуриш таъмирлаш” МЧЖга “Ҳудудгаз Жиззах” газ таъминоти филиали томонидан асоссиз қарздорлик белгиланганлиги юзасидан тушган мурожаат ўрганиб чиқилди.

Ўрганишларда мазкур МЧЖнинг абонент картасига амалда сарфланмаган табиий газ ҳажмлари киритиш орқали ундирилган 726 млн 314 минг сўм маблағ асоссиз эканлиги аниқланиб, тадбиркорлик субъекти фойдасига қайта ҳисоб-китоб қилиниши таъминланди. Махсус комиссия томонидан газ таъминоти корхонасига нисбатан белгиланган тартибда иш қўзғатилиб, тегишли кўрсатма берилди.

Xудди шу каби, Жиззах шаҳридаги “Sofitel” МЧЖ шаклидаги Ўзбек-Хитой қўшма корхонасининг ҳам мурожаати ўрганиб чиқилиб, “Ҳудудгаз Жиззах” газ таъминоти филиали томонидан тадбиркорлик субъектига нисбатан асоссиз равишда белгиланган тарифни 2 баравари қўлланилиши натижасида 1 млрд 107 млн 914 минг сўм нотўғри ҳисоблангани аниқланиб, Махсус комиссия томонидан белгиланган тартибда газ таъминоти корхонасига нисбатан иш қўзғатилган ва мазкур маблағларни қўшма корхона фойдасига қайта ҳисоб-китоб қилиш бўйича тегишли қарор қабул қилиниб, кўрсатма берилган.

Иқтисодиёт

04.07.2025, 20:57

Улашиш:

#газ #Рақобат қо'митаси

машҳур янгиликлар