БМТ Ғазодаги инсонпарварлик ёрдами ҳажмини оширишга умид қилмоқда

Бу ҳақда БМТ Бош котиби матбуот котиби Стефан Дюжаррик ташкилотнинг кундалик брифингида маълум қилди.

Унинг сўзларига кўра, БМТ “ёрдaм ҳажмини ошириш имконини берувчи тизим шакллантирилишини интизорлик билан кутмоқда”, бу эса кўпроқ чегара ўтиш пунктлари (КПП) орқали ёрдам юкларини етказишга шароит яратади.

Дюжаррик маълумот беришича, айни пайтда БМТ ва Исроил томонлари ўртасида мазкур масала бўйича фаол музокаралар олиб борилмоқда.

“Биз инсонпарварлик ёрдамини етказиб бериш жараёнида тез фаоллик ва аниқ ижобий силжишларни кутмоқдамиз”, — деди Дюжаррик.

Америка ОАВ маълумотларига кўра, Исроил ҲАМАС томонидан барча ҳалок бўлган гаровдаги шахслар жасадларини қайтариб бермаётгани сабабли, Ғазога йўналтириладиган ёрдам ҳажмини қисқартириш тўғрисида БМТни хабардор қилган.

Маълумотларга кўра, Исроил ҳозирча фақат 300 та юк машинасига кириш рухсатини бермоқда — бу келишилган миқдорнинг ярмига тенг.