Аҳолининг банклар олдидаги қарзи 240 трлн сўмга яқинлашди

2026 йил 1 август ҳолатига кўра, аҳолининг банклардан олган кредитлари қолдиғи 239 трлн 801 млрд сўмга етган.

Бу йил бошидаги кўрсаткичга нисбатан 8,9 фоизга кўп.

Аҳоли кредитларининг энг катта қисми ипотека кредитларига тўғри келмоқда. Уларнинг қолдиғи 88 трлн 147 млрд сўмни ташкил этиб, жами аҳоли кредитларининг 36,8 фоизига тенг.

Кейинги ўринда микроқарзлар қайд этилган. Уларнинг қолдиғи 51 трлн 141 млрд сўмга етган. Йил бошидан буён микроқарзлар қолдиғи 4,7 фоизга, яъни 2 трлн 278 млрд сўмга ошган.

Шу билан бирга, банкларнинг энг юқори ўсиш қайд этган кредит маҳсулотлари кредит карталари ва овердрафтлар бўлган.

Ушбу кредитлар қолдиғи йил бошидан буён 33,5 фоизга ёки 1 трлн 484 млрд сўмга кўпайиб, 5 трлн 914 млрд сўмни ташкил этган.

Шундай қилиб, 2026 йил август ойи бошида аҳолининг банклар олдидаги кредит мажбуриятлари қарийб 240 трлн сўмга етган.