Ўзбекистонда аҳолини рўйхатга олишнинг иккинчи босқичи бошланади

Бу босқичда маҳалла вакиллари аҳоли уйларини айланиб чиқиб, маълумотларни планшетлар орқали электрон тизимга киритади.

Рўйхатга олиш жараёнига 55 мингдан ортиқ махсус ўқитилган ходим жалб қилинган. Ҳар бир маҳалла вакилида шахсини тасдиқловчи бейдж бўлади. Бейдждаги QR-кодни сканер қилиш орқали унинг ҳақиқийлигини текшириш мумкин.

Фуқароларда саволлар туғилган тақдирда 1851 қисқа рақамли call-марказга мурожаат қилишлари мумкин.

Маълумотларга кўра, барча шахсий маълумотлар ҳимояланган бўлиб, фақат статистик мақсадларда фойдаланилади.

Эслатиб ўтамиз, аҳолини рўйхатга олишнинг биринчи босқичи 15–31 январь кунлари census.stat.uz портали орқали ўтказилган. Ушбу даврда 30 миллиондан ортиқ фуқаро онлайн рўйхатдан ўтган бўлиб, бу мамлакатдаги хўжаликларнинг 82,3 фоизини ташкил этган.