Шароф Рашидов туманига янги ҳоким тайинланди. Собиқ ҳоким пора билан қўлга тушган эди

Бугун, Шароф Рашидов туманида Халқ депутатлари туман Кенгашининг навбатдан ташқари сессияси бўлиб ўтди. Унда вилоят ҳокими вазифасини бажарувчи Улуғбек Мустафоев иштирок этди.

Ашуров Асилбек Рахмонович 2022 йилдан буён Пахтакор тумани ҳокими лавозимида фаолият юритиб келаётган эди.

Эслатиб ўтамиз, Шароф Рашидов туманининг эски ҳокими ва ҳокимлик бош мутахассиси жорий йилнинг 8 июль куни тумандаги “Токчилик” маҳалласидаги мактаб учун ажратилган 1,7 гектар ерни 8 та кўп қаватли уй қуришга рухсат олиб бериш эвазига 30 минг АҚШ доллари талаб қилгани ҳақида хабар берган эдик.

5 июль куни бош мутахассис 10 минг доллар олиб, уни ҳокимга берган. 8 июль куни эса тадбиркордан қолган 20 минг долларни олган ва унга рухсат ҳужжатларини топширган. Шу куни у ҳоким билан ҳокимият биноси олдида учрашган вақтда, иккала мансабдор ҳам пора олишда гумон қилиниб Давлат хавфсизлик хизмати ходимлари томонидан ҳибсга олинган.

Қизиқарли томони бу собиқ ҳоким қамоқдалиги вақтида ҳам ҳокимлик маблағларини ажратиш бўйича қарорлар чиқариб келган. Бу ҳақдаPARADIGMA.UZ'нинг you tube саҳифасидаги видео материални томоша қилинг.