Қозоғистонда ЛГБТ тарғиботини тақиқлаш тўғрисидаги тузатишлар маъқулланди. Ўзбекистонда вазият қандай?

 Ўзгаришлар архив иши тўғрисидаги қонун лойиҳасига киритилиши режалаштирилмоқда.

– 2024-йилда мамлакатда “ЛГБТ тарғиботини очиқ ва яширин шаклда тақиқлаш” ҳақида онлайн-петиция пайдо бўлган эди.
– Human Rights Watch ташкилоти бу ташаббус инсон ҳуқуқлари ва эркинликларига зид эканини қайд этган.
– Қонун лойиҳаси муаллифлари ўз таклифларини Россия тажрибаси билан изоҳламоқда.

Депутат Ирина Смирнова янги қоидалар фуқароларнинг шахсий ҳаётига дахл қилмаслигини таъкидлади. Унга кўра, ЛГБТ мавзуси билан боғлиқ фильм ва китобларга махсус белгилар қўйилади, тарғибот тартибини эса Маданият вазирлиги аниқлаб беради.

Ҳуқуқ ҳимоячилари эса бундай чоралар Қозоғистоннинг халқаро мажбуриятларига зид эканини таъкидлашмоқда.

Ўзбекистонда вазият
– Spartacus халқаро портали 2019-йилги рейтингда Ўзбекистон ва Туркманистонни “қизил зона”га киритган. Бу ерда ЛГБТ ҳуқуқлари бўйича салбий кўрсаткичлар қайд этилган.
– Ўзбекистонда бир жинсли муносабатлар ҳозирги кунда жиноят ҳисобланади ва 3 йилгача озодликдан маҳрум қилиш жазоси белгиланган.
– 2016-йилдан буён Human Rights Watch ва хориждаги ўзбек ҳуқуқ ҳимоячилари ҳукуматга бир неча марта мурожаат қилган, аммо ҳозиргача расмий изоҳ берилмаган.
– Мамлакат ОАВ ва жамоат муҳокамаларида ЛГБТ мавзуси деярли ёритилмайди.

2018 йилда АҚШдаги ўзбек ЛГБТ фаоллари Президент Шавкат Мирзиёевга мурожаат қилиб, барча фуқаролар учун тенг ҳуқуқ ва эркинликлар таъминланишини сўрашган.

Изоҳ: материал халқаро ҳуқуқ ҳимоя ташкилотлари маълумотлари ва ҳисоботлари асосида тайёрланган.