Футбол тарихидаги энг қиммат чипталар АҚШда!

АҚШда ўтадиган навбатдаги Жаҳон чемпионати финали атрофидаги муҳокамалар нафақат спорт, балки иқтисодий жиҳатдан ҳам катта қизиқиш уйғотмоқда. 

Расмий маълумотларга кўра, FIFA сайтида эълон қилинган нархлар жуда кенг диапазонни қамраб олади:

•  1-тоифа чипталари 9 982 доллардан 80 500 долларгача,
• 2-тоифа 6 411 доллардан 69 000 долларгача,
• 3-тоифа 4 812 доллардан 57 500 долларгача,
• 4-тоифа эса 2 334 доллар этиб белгиланган.

Бу рақамлар ҳатто илгариги турнирлар билан таққослаганда ҳам кескин фарқ қилади — масалан, Қатардаги Жаҳон чемпионатида энг юқори нарх 1 600 доллар атрофида бўлган эди.

Таъкидланишича, бундай нарх сиёсати бир қатор омиллар билан изоҳланади: АҚШ бозорининг юқори тўлов қобилияти, инфратузилма ва хизматлар харажатининг ошиши, шунингдек, катта спорт тадбирларини премиум маҳсулот сифатида тақдим этиш тенденцияси. 

Шу билан бирга, бу ҳолат оддий мухлислар учун футболни жонли томоша қилиш имкониятини чеклаб қўйиши мумкинлиги ҳақида баҳсларни ҳам кучайтирмоқда.