Жаҳон чемпионати 2026: Ироқ, Конго, Босния, Туркия, Чехия ва Швеция мундиалга йўл олди

Ироқ

Ироқнинг футбол бўйича терма жамоаси кеча Боливияни Жаҳон чемпионатига чиқиш учун ҳал қилувчи ўйинда 2-1 ҳисобида мағлуб этди ва тарихий ғалаба билан мундиалга йўлланмани қўлга киритди.

Энди Ироқ I гуруҳига тушади ва бу ерда Франция, Сенегал ҳамда Норвегия терма жамоаларига қарши баҳс олиб боради. Мутахассислар ушбу гуруҳни мураккаб деб баҳоламоқда, бироқ ироқликлар яхши натижа учун курашишга тайёр эканини таъкидламоқда ва улар ҳар бир ўйинда максимал куч сарфлашлари керак болади.

Конго

Конго терма жамоаси Ямайкага қарши баҳс олиб бориб, экстра бўлимларда ягона гол уриб ғалабани қўлга киритди ва мундиалга йўлланмани таъминлади бу натижа жамоа учун катта ютуқ бўлиб мухлислар томонидан катта қувонч билан қарши олинди

Конго K гуруҳига тушди ва Португалия, Ўзбекистон ҳамда Колумбияга қарши баҳс олиб боради. Миллий терма жамоамиз охирги турда 28 июнь куни Конгога қарши майдонга тушади, йигитларимизга омад тилаймиз!

Босния

Босния кутилмаган ҳолда Италия терма жамоасига қарши ўйнади. Ушбу баҳс пеналтилар сериясигача давом этди ва охирида Босниянинг ғалабаси билан якунланди. Италия эса қаторасига учинчи марта Жаҳон чемпионатини ўтказиб юборадиган бўлди.

Босния эса Б гуруҳига тушди ва унда Канада, Қатар ҳамда Швейцарияга қарши баҳс олиб боради.

Туркия

Туркия Косово терма жамоасини кутилмаган тарзда мағлуб этди ваМундиалга йўл олди.

Туркия терма жамоаси D гуруҳига тушди ва унда АҚШ, Парагвай ҳамда Австралияга қарши баҳс олиб боради. Шунингдек, улар гуруҳда фаворит сифатида ҳам тугатиши мумкин.

Чехия

Чехия терма жамоаси Данияга қарши баҳс олиб борди ва қийин ўтган ўйин пеналтилар сериясига кўчди. Чехия бу баҳсда қўли баланд келди ва 20 йилдан сўнг яна ушбу турнирда қатнашиш имкониятини қўлга киритди.

Чехия A гуруҳига тушди ва унда Мексика, Жанубий Африка ҳамда Жанубий Корея терма жамоаларига қарши майдонга тушади.

Швеция 

Швеция терма жамоаси Польшага қарши ҳал қилувчи ўйинда 3-2 ҳисобида ғалабага эришди ва турнирга бориш имкониятини қўлга киритди.

Швеция F гуруҳида Нидерландия, Япония ҳамда Тунисга қарши майдонга тушади. Бу гуруҳ ҳам жуда қийин гуруҳ сифатида баҳоланмоқда.