updated: 21.03.2026, 04:39

Адлия вазирлиги Соғлиқни сақлаш вазирлигини огоҳлантирди

2023 йилда 21 та, 2024 йилнинг ўтган даврида 16 та дори воситалари интеллектуал мулк ҳуқуқларига риоя қилмаган ҳолда давлат рўйхатига олинганлиги аниқланди. Бу ҳақда Адлия вазирлиги Интеллектуал мулк департаментининг ахборот хизмати маълум қилди.

Ўзбекистон

14.10.2024, 09:57

Lotinchada In English

Улашиш:

Adliya vazirligi Sogʻliqni saqlash vazirligini ogohlantirdi

Қайд этилишича, "MAGNE B6", "IMUDON", "SMEKTA", "DUSPATALIN", "ELEVIT" дори воситаларининг контрафакт нусхалари "Magne B6", "Nest Imudon", "Smecta", "Grand Imudon", "MER DUSPATANIM", "ELEMALVIT" кўринишида турли фармацевтика корхоналари номига интеллектуал мулк ҳуқуқларига риоя қилмаган ҳолда давлат рўйхатидан ўтказилган.

Мазкур ҳолат юзасидан Адлия вазирлиги Соғлиқни сақлаш вазирлигини огоҳлантирди. Унга кўра, тиббий буюмлар ва тиббий техникаларни давлат рўйхатдан ўтказилишида қонунчилик ҳужжатлари талаблари бузилишини олдини олиш бўйича комплекс чора-тадбирлар кўриш лозим. Юқоридаги ҳолатлар такроран содир этилганда қонунчиликда белгиланган жазо чоралари қўлланилиши мумкин.

"Қонунчилик ҳужжатлари талабларига кўра, дори воситалари, тиббий буюмлар ва тиббий техникаларни давлат рўйхатидан ўтказилишида интеллектуал мулк ҳуқуқларига қатъий риоя этилиши керак", дейилади Адлия вазирлиги хабарида.

Маълумот учун, "Дори воситалари ва фармацевтика фаолияти тўғрисида"ги Қонунга асосан дори воситаларини, тиббий буюмларни ва тиббий техникани давлат рўйхатидан ўтказиш Соғлиқни сақлаш вазирлиги томонидан амалга оширилади ҳамда қалбакилаштирилган ва Ўзбекистон Республикасида рўйхатдан ўтказилган дори воситаларининг ғайриқонуний нусхаларини ишлаб чиқариш тақиқланади.

Ўзбекистон

14.10.2024, 09:57

Улашиш:

#ССВ #Адлия

мавзуга оид янгиликлар