Britaniya hukumati bolalarning internetdagi xavfsizligini taʼminlash uchun yangi choralar eʼlon qildi

Britaniya Bosh vaziri Kir Starmer va Ilm, innovatsiya va texnologiyalar vaziri Liz Kendall internetda bolalar xavfsizligini taʼminlash maqsadida yangi choralarni eʼlon qildi. 

Hukumatning taʼkidlashicha, hech bir platforma “beeʼtibor qolmaydi” va xavfli boʻlgan huquqiy boʻshliqlar yopiladi.

Yangi choralar quyidagilarni oʻz ichiga oladi:

• AI chatbotlari va noqonuniy kontent: Barcha AI chatbot provayderlari “Onlayn xavfsizlik akti” doirasidagi qonuniy majburiyatlarga amal qilishga majbur qilinadi.
• Yoshga oid cheklovlar va xavfli funksiyalar: Ijtimoiy tarmoqlarda minimal yosh chegarasi belgilanishi, cheksiz skrolling kabi bolalarga zararli funksiyalar cheklanishi mumkin.
• Maʼlumotni saqlash: Bolalar halokati holatlarida ijtimoiy tarmoqdagi maʼlumotlar oʻchirilishiga yoʻl qoʻyilmaydi.

Bosh vazir Kir Starmer:

“Texnologiya juda tez rivojlanmoqda va qonun buni qoʻllab-quvvatlashi kerak. Hech bir platforma beeʼtibor qolmaydi. Biz bolalarning xavfsizligini taʼminlash va ota-onalarga yordam berish uchun tez harakat qilamiz", dedi.

Shu bilan birga, kelasi oydan boshlab “Bolalarning raqamli rivojlanashi” konsultatsiyasi boshlanadi, uning natijalari asosida yangi qonunchilik choralari bir necha oy ichida amalga oshiriladi.

“Biz bolalarni himoya qilish uchun zudlik bilan chora koʻrishga tayyormiz. Yangi choralar orqali AI chatbotlar va xavfli kontentga qarshi samarali harakat qilish mumkin boʻladi”, qoʻshimcha qildi Ilm, innovatsiya va texnologiyalar vaziri Liz Kendall.

Masʼul tashkilotlar ham ota-onalar uchun “Bilmasang, soʻrab oʻrgan” kampaniyasini yoʻlga qoʻydi, unda internet xavfsizligi, kontentni filtrlash va yoshga mos maslahatlar taqdim etiladi.